«تاسساي» يندۋستريالدى ايماعىندا ورنالاسقان كاسىپورىنداردىڭ ءبىرى - «كازتەحنيكاس» جشس-ى. مۇندا جارىقديودتى شامدار وندىرىلەدى. «بيزنەستىڭ جول كارتاسى -2020» باعدارلاماسىمەن يندۋستريالدى ايماقتان 1,5 گەكتار جەر بولىنگەن. «تاسساي» يندۋستريالدى ايماعىندا ورنالاسقان كاسىپورىنداردىڭ ءبىرى - «كازتەحنيكاس» جشس-ى. مۇندا جارىقديودتى شامدار وندىرىلەدى. «بيزنەستىڭ جول كارتاسى-2020» باعدارلاماسىمەن يندۋستريالدى ايماقتان 1,5 گەكتار جەر بولىنگەن.
قۇنى 500 ميلليون تەڭگەنى قۇرايتىن بۇل جوبا 2020 جىلى باستاۋ الىپ, بيىل ىسكە قوسىلدى. قازىر مەكەمەدە 25 قالا تۇرعىنى جۇمىس جاسايدى. زاۋىت جىلىنا 20 مىڭ دانا جارىقديودتى شام وندىرۋگە قاۋقارلى. شامداردىڭ ساپاسى وندىرىلگەننەن كەيىن سۋ ىشىندە 5 مينۋت تۇرادى دا, كەيىننەن ىسكە قوسۋ ارقىلى تەكسەرىلەدى ەكەن. ياعني سۋعا توزىمدىلىگى انىقتالىپ بارىپ, ساتىلىمعا شىعارىلادى. سونىمەن قاتار, مۇندا تەمىر سورەلەر دە جاسالادى ەكەن.
- شىمكەنتتە كاسىبىن باستايمىن دەگەندەرگە مۇمكىندىك كوپ, قانشاما مەملەكەتتىك باعدارلامالار قولعا الىندى. زاۋىت, فابريكا اشام دەپ نيەت بىلدىرگەندەردى قولداۋعا ءاردايىم دايىنبىز. سەبەبى قالانى ءوز ونىمىمەن قامتاماسىز ەتىپ, وتاندىق ءونىم رەتىندە شەتەلگە دە تانىتۋىمىز قاجەت. وسى ارقىلى تۇرعىنداردىڭ ءال-اۋقاتىن كوتەرە الامىز. مىنا ديودتى شامداردى قالا كوشەلەرىنىڭ بارلىعىنا, اسىرەسە تۇرعىندار كوپتەپ جۇرەتىن ساياباق, اللەيالارعا قويۋ كەرەك. ءارى جارىق, ءارى ەكونومدى بولماق. وسى ورايدا جەرگىلىكتى قۇرىلىس كومپانيالارىن بىرلەسە جۇمىس ىستەۋگە شاقىرامىن, - دەدى مۇرات ايتەنوۆ.
ءوندىرىس ورنى الداعى ۋاقىتتا مەملەكەتتىك قولداۋ ارقىلى ءونىم كولەمىن ۇلعايتىپ, ەكسپورتقا شىعارۋدى جوسپارلاپ وتىر.
