سالالىق كاسىپوداق توراعاسى ورازبەك بەكباستىڭ ايتۋىنشا, ەڭبەكاقى ماسەلەسى 20 جىلدان بەرى شەشىلمەي كەلەدى. ونىڭ كەسىرى قانداي؟
جالاقىنىڭ ازدىعى مامانداردىڭ باسقا سالاعا كەتۋىنە الىپ كەلگەن. ەندى ەنەرگەتيكالىق ستانتسيالار جابىلىپ قالۋى بەك مۇمكىن.
ەلىمىزدەگى ەنەرگەتيكتەر جيىرما جىل بويى ءبىر جالاقىنى الىپ كەلگەن. سالالىق كاسىپوداق توراعاسى ورازبەك بەكباستىڭ ايتۋىنشا, بىلىكتى مامانداردى ۇستاپ قالۋعا قاۋقار جوق. ويتكەنى كوبى جالاقىسى جوعارىراق سالاعا, ءتىپتى باسقا مەملەكەتتەرگە كەتىپ جاتىر. بۇگىندە بەلارۋستەگى ەنەرگەتيكتەر بىزدەن 21%-كە, قىرعىزستاندا 44%-كە كوبىرەك ەڭبەكاقى الادى ەكەن. ونىڭ ۇستىنە نەگىزگى قورلار 60%-كە ەسكىرگەن. «ماماندار تۇراقتامايتىن بولسا, ستانتسيالار توقتاپ قالۋى ابدەن مۇمكىن», دەيدى. كاسىپوداق توراعاسىنىڭ ايتۋىنشا, جىلۋ ەنەرگەتيكاسى ماماندىقتارىنا تۇسەتىن تالاپكەرلەر سانى جىل سايىن ازايىپ كەلەدى. كاسىپورىندار زەينەتكەرلىك جاسقا جەتكەن مامانداردى ۇستاۋعا ءماجبۇر.
