الماتى وبلىسىنىڭ كەربۇلاق اۋدانىنداعى قاسپان اۋىلىندا تۇراتىن كەيىپكەرىمىز ولجاس جاقىپباەۆ:
ء«بىر كۇنى اۋىل اكىمدىگىنىڭ باس مامانى كۇنشۋاق نۇرجان ماعان جاستارعا ۇلكەن مۇمكىندىك ەسىگىن اشاتىن جاقسى جوبانىڭ بار ەكەنىن ايتىپ, قاتىسىپ كورۋدى ۇسىندى. ك.نۇرجاننىڭ كاسىبي كەڭەسىمەن اۋدان اكىمدىگىنە باردىم. وندا وسى جوبامەن اينالىساتىن ماماننان جان-جاقتى اقپارات الدىم. جانىما تاعى ەكى ادامدى تارتتىم, بىرەۋى – اۋىلدا بالالار مەن جاسوسپىرىمدەردى سپورتقا باۋلىپ جۇرەتىن جاتتىقتىرۋشى, ەكىنشىسى – اقپارات تاراتۋمەن اينالىساتىن مامان. جوباعا قاتىسىپ, گرانت يەلەندىك. اۋەلدە اۋدارىلعان جارتى ملن تەڭگەگە جاتتىعۋ زالىنا قاجەتتى قۇرال-جابدىقتاردى ساتىپ الدىق. ال اۋىل اكىمدىگى بىزگە ورىن تاۋىپ بەردى. سول جەردە جاتتىعۋ زالىن اشىپ, جوبانىڭ تالابى بويىنشا اۋىل جاستارىنا تەگىن جاتتىعۋ مۇمكىندىگىن سىيلادىق», دەيدى.
و.جاقىپباەۆ اۋىل جاستارىن 5 اي تەگىن جاتتىقتىرۋ تالابىن ويداعىداي ورىنداپ ءبىتتى, الايدا ول ءالى دە جاتتىعۋ زالىنا كەلىپ شىنىعاتىن جانداردان اقى المايدى. كەيىپكەرىمىز بۇل ارەكەتىن: «مەن مۇنى تابىس تابۋ ءۇشىن جاسامادىم. سالاماتتى ءومىر سالتىن ۇستانۋعا, دەنەنى ءاردايىم شىنىقتىرىپ وتىرۋعا سەپتىگىن تيگىزەتىن سپورت كەشەنى جوق اۋىلداعى جاستاردى سپورتقا باۋلىپ, دەنى ساۋ ۇلت قالىپتاستىرۋعا ۇلەس قوسقىم كەلەدى. ونىڭ ۇستىنە 5 اي تەگىن جاتتىعۋ زالىمەن جاستاردى قامتاماسىز ەتكەنىم ءۇشىن سول ۋاقىت ارالىعىندا اي سايىن 60 مىڭ تەڭگە ستيپەنديا الىپ وتىردىم», دەپ ءتۇسىندىردى.
ءيا, بۇل جوبا ەكى قولعا ءبىر كۇرەك تاپپاي جۇرگەن جاستاردى جۇمىسپەن قامتىپ قانا قويماي, وسال توپتاعى جاس بۋىننىڭ قوعامعا كىرىگىپ, ەتەنە ارالاسىپ, ءوزىن جان-جاقتى جەتىلدىرۋگە, دامىتۋعا جاعداي جاسايدى. Zhasproject جاستار كورپۋسىن دامىتۋ جوباسىن حالىقارالىق قايتا قۇرۋ جانە دامۋ بانكى مەن ءبىلىم جانە عىلىم مينيسترلىگى بىرلەسىپ قولعا العان. جوبا جاستاردىڭ وسال توپتارى اراسىندا قوعامنىڭ يگىلىگىنە جارايتىن پايدالى ىسكە ۇيرەتۋ باعدارلاماسىن ىسكە اسىرۋ باعىتىندا ومىرلىك ماڭىزى بار داعدىلاردى دامىتۋدى كوزدەيدى. وسى ۋاقىتقا دەيىن نەسيە تاريحىنا, كەپىلزاتىنىڭ بار-جوعىنا قاراماستان, جەكە تۇلعالارعا جىلىنا مىڭ گرانت بەرەتىن جالعىز جوبا بولدى. مۇندا تەك جۇمىسسىز, وقىمايتىن نەمەسە تابىسى تومەن, بولماسا وسال توپقا جاتقىزىلاتىن جاستارعا باسىمدىق بەرىلدى.
وسى جوبانى تىكەلەي ىسكە اسىرۋمەن اينالىساتىن ۇيلەستىرۋ اگەنتتىگىنىڭ اقپاراتىنا سۇيەنسەك, Zhasproject
2017 جىلى قاناتقاقتى جوبا رەتىندە باستالىپ, 2020 جىلدىڭ سوڭىنا دەيىن قازاقستاننىڭ 16 وبلىسىنان 9 797 قاتىسۋشىنى قامتىدى. جوباعا 14 پەن 29 جاس ارالىعىنداعى جاستار (مەكتەپ وقۋشىلارىنان باسقا) قاتىسۋعا مۇمكىندىك الدى. ولار 3-تەن 5 ادامعا دەيىن يدەيالاس وكىلدەردەن باستاماشىل توپ قۇرىپ, تالاپتارعا سايكەس جۇزەگە اسىرۋ ءۇشىن ءوز يدەيالارىن ۇسىندى جانە كونكۋرستىق ىرىكتەۋدەن ءوتتى. ال ىرىكتەۋدەن وتكەندەر ۇسىنىلعان الەۋمەتتىك يدەيالارىن جۇزەگە اسىرۋ ءۇشىن 1 ملن تەڭگەگە دەيىن گرانت يەلەندى. سونداي-اق ومىرلىك داعدىلار مەن جوبالاردى باسقارۋ بويىنشا ءۇش ساتىلى ترەنينگتەن ءوتتى, 6 ايدا وزدەرىنىڭ الەۋمەتتىك جوبالارىن جۇزەگە اسىرۋ مۇمكىندىگىنە يە بولدى. ۋنيۆەرسيتەت تۇلەكتەرى ءۇشىن اي سايىن 60 مىڭ تەڭگە, قالعان بارلىق قاتىسۋشى ءۇشىن 40 مىڭ تەڭگە ستيپەنديا بەرىلدى.
ەڭ ماڭىزدىسى, بارشا قاتىسۋشى ارنايى تالىمگەرلەردەن كاسىبي جانە تاجىريبەلىك باعىتتا قولداۋ الدى. جوبانىڭ جەمىستى جۇزەگە اسىرىلۋى ءۇشىن الەۋمەتتىك جانە بيزنەس جوبالاردا نەمەسە جاستارمەن جۇمىس ىستەۋدە تاجىريبەسى بار 609 تالىمگەر گرانت يەلەنۋشىلەرگە بىلگەنىن ۇيرەتتى. سونداي تالىمگەردىڭ ءبىرى بولات سىزدىق بىرنەشە جوباعا قاتىسۋشىعا تالىمگەرلىك ەتىپ, ءىستى ءۇيىرىپ اكەتۋگە باعىت بەردى.
«تالىمگەر جوبا بارىسىندا يدەيانى ىسكە اسىرۋعا جەتىسپەي جاتقان قاجەتتى داعدىنى دامىتۋعا جول سىلتەيدى. مىسالى, جوباعا قاتىسۋشىدا ءبىلىم بار بولسا, تاجىريبە جەتىسپەي جاتادى. ەندى بىرىندە ەكەۋى دە بولعانىمەن, كوممۋنيكاتسيا جاعى اقساپ تۇرادى. ويتكەنى ولار توپپەن جۇمىس ىستەيدى, ءونىمىن وتكىزۋ نەمەسە ۇسىنۋ ءۇشىن بەلگىلى ءبىر ماماندارمەن, بولماسا تۇتىنۋشىلارمەن بايلانىس ورناتۋعا تۋرا كەلەدى. وسىندايدا تالىمگەر جوبا قاتىسۋشىلارىنا ناقتى قاي باعىتتى ياكي قانداي داعدىنى دامىتۋ كەرەگىن تىكەلەي بولماسا دا جاناما تۇردە تۇسىندىرەدى. بىراق ءبارىن قاتىسۋشىلار وزدەرى ىستەيدى», دەيدى تالىمگەر.
نەگىزگى جۇمىسىندا ستۋدەنتتەرگە ءدارىس وقيتىن ۇزاق جىلدىق تاجىريبەسى بار پەداگوگ ب.سىزدىق ءوزى تالىمگەرلىك ەتكەن جوبا قاتىسۋشىلارىنىڭ ىشىندە وتباسىلىق بيزنەس اشىپ, ءىسىن دوڭگەلەتىپ اكەتكەن جۇبايلاردى ەرەكشە اتاپ ءوتتى. جوبا اياسىندا جاساعان ءوز ونىمدەرىن مۇقتاجدارعا تەگىن تاراتقان.
«ولار جۇمىس تاۋىپ, وزدەرىنىڭ بيۋدجەتىن باسقارۋدى, بيزنەس قۇرۋدى, دۇرىس بايلانىس ورناتۋدى, ءبىر-ءبىرىنىڭ الەۋەتىن ورنىمەن پايدالانۋدى, جوباعا جاۋاپكەرشىلىكپەن قاراۋدى عانا ەمەس, مۇقتاج جاندارعا جاردەمدەسۋدى ۇيرەندى. جوبا ولارعا ءوز بيزنەسىن اشۋدىڭ العاشقى مەكتەبى بولدى. ەڭ باستىسى, سول قاتىسۋشىلار جوبا اياسىندا قولعا العان وتباسىلىق بيزنەسىن ءارى قاراي جالعاستىرىپ وتىر. جوبا قاتىسۋشىلارىنا بارىنەن دە قۇندىسى العان قۇرال-جابدىقتارى عانا ەمەس, وسى ىستەن جيعان ءبىلىمى مەن تاجىريبەسى وزىندە قالادى», دەيدى ب.سىزدىق.
