2021 جىلدىڭ 3 اقپانى مەن 17 ناۋرىزى ارالىعىندا «مينيسترلىك كۇنى» اياسىندا 700-دەن استام ادامنىڭ, ونىڭ ىشىندە 300-دەن استام ۇەۇ وكىلدەرىنىڭ قاتىسۋىمەن ۇكىمەتتىك ەمەس ۇيىمداردى مەملەكەتتىك قارجىلاندىرۋ تەتىكتەرىنە ارنالعان 16 ونلاين ستراتەگيالىق سەسسيا وتكىزىلدى.
سەسسيا بارىسىندا ۆەدومستۆو وكىلدەرى مەملەكەتتىك الەۋمەتتىك تاپسىرىستى جانە ۇەۇ ءۇشىن قارجىلاندىرۋدى جەتىلدىرۋ بويىنشا جۇرگىزىلىپ جاتقان جۇمىستار مەن قولدانىستاعى تەتىكتەر تۋرالى ءجىتى ءتۇسىندىردى.
ودان وزگە, مينيسترلىك ستراتەگيالىق سەسسيالارىنىڭ ارقاسىندا ءار وڭىردە ۇەۇ مەن جەرگىلىكتى اتقارۋشى ورگانداردىڭ وكىلدەرى ۇەۇ مەملەكەتتىك قارجىلىق قولداۋ كورسەتۋدىڭ قولدانىستاعى تەتىكتەرى بويىنشا پروبلەمالىق ماسەلەلەر بلوگىن بەلگىلەدى.
اتاپ ايتقاندا, مەملەكەتتىك الەۋمەتتىك تاپسىرىسقا دەمپينگتى جويۋ, ۇەۇ مەملەكەتتىك الەۋمەتتىك تاپسىرىس بويىنشا كونكۋرستارعا قاتىسۋداعى وڭىرلىك شەكتەۋلەردى بەلگىلەۋ, گرانتتاردىڭ سالالىق قاعيداتىن كەڭەيتۋ, حالىقتىڭ قاجەتتىلىكتەرىن باعالاۋدى ەسكەرە وتىرىپ, مەملەكەتتىك الەۋمەتتىك تاپسىرىس تاقىرىپتارىن قالىپتاستىرۋ جانە تاعى باسقا سۇراقتار كوتەرىلدى.
اتالعان ماسەلەلەردى شەشىپ, ۇسىنىستاردى ازىرلەۋ بويىنشا مينيسترلىك ازاماتتىق قوعام سالاسىنداعى ساراپشىلاردىڭ جانە ۇەۇ وكىلدەرىنىڭ قاتىسۋىمەن جۇمىس توبىن قۇردى.
بۇعان قوسا, ۇەۇ مەملەكەتتىك قولداۋ تەتىكتەرىن رەتتەيتىن نورماتيۆتىك اكتىلەردى جەتىلدىرۋ بولىگى بويىنشا دا جۇمىس جۇرگىزىلىپ جاتىر. سوندىقتان مەملەكەتتىك الەۋمەتتىك تاپسىرىستى قالىپتاستىرۋ, ىسكە اسىرۋ مونيتورينگىنە جانە ناتيجەلەرىن باعالاۋ قاعيدالارىنا, مەملەكەتتىك الەۋمەتتىك تاپسىرىس ستاندارتتارىنا وزگەرىستەر ەنگىزىلەدى.
سونداي-اق قارجى مينيسترلىگىمەن بىرلەسىپ مەملەكەتتىك ساتىپ الۋدى جۇزەگە اسىرۋ قاعيدالارىنا وزگەرىستەر ەنگىزۋ بويىنشا جۇمىستار ىسكە اسىرىلىپ جاتىر.
بۇگىنگى تاڭدا زاڭنامانى جەتىلدىرۋ جانە ازاماتتىق باستامالاردى قولداۋ ورتالىعىنىڭ ىشكى رەگلامەنتتەرىن قايتا قاراۋ شەڭبەرىندە گرانتتىق قولداۋ جۇيەسىن قايتا جەتىلدىرىلەدى.
ۆەدومستۆوعا باعىنىستى ازاماتتىق قوعام ىستەرى كوميتەتى وڭىرلىك قوعامداستىق وكىلدەرىنەن سىندارلى ۇسىنىستاردى جينادى. جوعارىدا اتالعان ۇسىنىستار قورىتىلىپ, مينيسترلىكتىڭ الداعى جۇمىسىندا ەسكەرىلەتىن بولادى.
