مينيسترلىك نەگىزگى پاندەردى شتاتتىق فورماتتا وقىتۋدى, ال مۋزىكا, كوركەم ەڭبەك, ينفورماتيكا, قۇقىق نەگىزدەرى, گرافيكا جانە جوبالاۋ, كاسىپكەرلىك جانە بيزنەس نەگىزدەرى پاندەرىن قاشىقتان وتكىزۋدى ۇسىنىپ وتىر. دەنە شىنىقتىرۋ ساباقتارىن تازا اۋادا وتكىزۋ بويىنشا ۇسىنىس بەرىلدى.
ءبىلىم بەرۋ ۇيىمى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا بولادى.
مەكتەپ اسحانالارىنىڭ جۇمىسى جەرگىلىكتى اكىمدىكتەردىڭ شەشىمى ءارى باس سانيتارلىق دارىگەرلەردىڭ كەلىسىمى بويىنشا سانيتارلىق-ەپيدەميولوگيالىق نورمالاردى ساقتاي وتىرىپ, ۇيىمداستىرىلادى.
مىندەتتى مەكتەپ فورماسىن كيۋدىڭ قاجەتى جوق, ساباققا ەركىن جانە ۇقىپتى كيىمدە قاتىسۋعا رۇقسات ەتىلەدى.
