بالالار 40 مينۋت, ال تومەنگى سىنىپتار 30 مينۋت ساباقتا وتىرادى, ۇزىلىسكە شىعادى. سونىمەن قاتار, ءىس جۇزىندە كوپتەگەن سىنىپتاردا بالالاردىڭ كوبى ماسكاسىز وتىرادى, ونى مونيتورينگتەردىڭ ناتيجەلەرى كورسەتتى, نەمەسە بالانى 40 مينۋت بويى ماسكامەن وتىرعىزىپ قويۋ وتە قيىن. وسىعان بايلانىستى دەنساۋلىق ساقتاۋ مينيسترلىگى تالاپتى تالداپ, وسىنداي شەشىم قابىلدادى. ءبىرىنشى كەزەڭدە شتاتتىق رەجيمدە وقىتۋعا رۇقسات بەرىلگەن وڭىرلەردە, تەك سول جەردە عانا بۇل تالاپتار ساقتالمايدى», دەپ ءتۇسىندىردى قر دسم سانيتارلىق-ەپيدەميولوگيالىق باقىلاۋ كوميتەتىنىڭ تاماقتانۋ, تاربيە جانە ءبىلىم بەرۋ وبەكتىلەرىن سانيتارلىق-گيگيەنالىق باقىلاۋ جانە قاداعالاۋ باسقارماسىنىڭ باسشىسى مارال راحىمجانوۆا.
سونىمەن قاتار, ول بالالارعا ماسكا تاعىپ ءجۇرۋدىڭ قاۋىپسىز ەكەنىن ءتۇسىندىرۋ ءار اتا-انانىڭ جاۋاپكەرشىلىگى ەكەنىن اتاپ ءوتتى.
«مىندەتتى تۇردە ماسكا تاعۋ تالابىن الىپ تاستاۋ بارلىق بالالاردى ماسكاسىز وتىرۋعا ءماجبۇر ەتەمىز دەگەن ءسوز ەمەس. ەگەر بالا مەن اتا–انا ونىڭ بەتپەردە تاققانىن قالاسا - بۇل قۇپتالادى», دەپ اتاپ ءوتتى سپيكەر.
