بۇعان دەيىن Reuters التى ادام قازا تاپقانىن حابارلاعان بولاتىن.
ايتا كەتەيىك, قۇتقارۋشىلار مەن ءورت سوندىرۋشىلەر 76 پاتسيەنتتى ەۆاكۋاتسيالادى, ونىڭ ىشىندە جەتەۋى وكپەنىڭ جاساندى جەلدەتۋ قوندىرعىلارىنا قوسىلعان. ولاردىڭ بارلىعى باسقا اۋرۋحاناعا اۋىستىرىلدى.
توتەنشە جاعداي تۋرالى ءۇندىستان پرەمەر-ءمينيسترى نارەندرا مودي ءوزىنىڭ Twitter پاراقشاسىندا تۇسىنىكتەمە بەردى.
«مۋمباي اۋرۋحاناسىنداعى قايعىلى جاعدايدىڭ بولۋى وتە وكىنىشتى. زارداپ شەككەندەردىڭ تەزىرەك ساۋىعىپ كەتۋىن تىلەيمىن», دەپ جازدى ول.
كوروناۆيرۋستى جۇقتىرعاندارعا ارنالعان اۋرۋحانا ساۋدا ورتالىعىنىڭ ءۇشىنشى قاباتىندا ورنالاسقان. ءورت ورتالىقتىڭ ءبىرىنشى قاباتىنان شىققان. قىزىل جالىننىڭ سەبەبى ءالى انىقتالعان جوق, تەرگەۋ ءجۇرىپ جاتىر.
