كوروناۆيرۋس • 26 ناۋرىز، 2021

الماتىدا كوروناۆيرۋسپەن كۇرەس جونىندەگى شتابتىڭ كوشپەلى وتىرىسى ءوتتى

30 رەت كورسەتىلدى

بۇگىن الماتى قالاسىنا جۇمىس ساپارى بارىسىندا دەنساۋلىق ساقتاۋ ءمينيسترى الەكسەي تسوي سانەپيدباقىلاۋ، مەدفارمباقىلاۋ اۋماقتىق دەپارتامەنتتەرى ماماندارىنىڭ قاتىسۋىمەن كۆي-مەن كۇرەس جونىندەگى شتابتىڭ كوشپەلى وتىرىسىن وتكىزدى، دەپ حابارلايدى Egemen.kz دەنساۋلىق ساقتاۋ مينيسترلىگىنە سىلتەمە جاساپ.

مينيستر ءوز سوزىندە قالاداعى ەپيدەميالىق احۋالدى باقىلاۋدىڭ جەتكىلىكسىزدىگىن تىلگە تيەك ەتتى. وسىلايشا، ا. تسوي الماتى مەديتسينالىق اكتيۆىنىڭ الدىنا بىرقاتار ماڭىزدى مىندەت قويدى، ولاردى قىسقا مەرزىمدە شەشۋ قاجەتتىگى دە ايتىلدى.

اتاپ ايتقاندا، رەزەرۆتىك اۋرۋحانالاردىڭ قۋاتتىلىعىن ارتتىرۋ، كۆي تارالۋىنىڭ الگوريتمىن ازىرلەۋ، شاھارداعى ەرەسەك حالىقتى ۆاكتسينامەن بارىنشا قامتۋ ءۇشىن ۆاكتسينالاردىڭ قوسىمشا كولەمىن جەتكىزۋ، ءدارى-دارمەكپەن قامتاماسىز ەتۋ.

مينيستر العاشقى مەديتسينالىق-سانيتارلىق كومەك، ناۋقاستارمەن بايلانىسقا تۇسكەن ادامداردى دەر كەزىندە قالالىق ەمحانا دەڭگەيىندە انىقتاۋ، تەكسەرۋ جانە باقىلاۋ شارالارىن جۇزەگە اسىرۋعا باسا نازار اۋداردى. ول كوروناۆيرۋستىڭ تارالۋ وشاقتارىن ۋاقىتىلى زەرتتەۋدىڭ ماڭىزدىلىعىن اتاپ ءوتىپ، كۆي جاعدايلارىنىڭ باقىلاۋسىز وسۋىنە سەبەپ بولۋى مۇمكىن ەكەندىگىنە ەكپىن بەردى. كەزدەسۋ بارىسىندا ناۋقاستارمەن بايلانىستا بولعان ادامداردى ۋاقىتىلى انىقتاۋ، ولاردىڭ دەنساۋلىق جاعدايىن باقىلاۋ جانە مونيتورينگ جۇرگىزۋ قاجەتتى ايتىلدى.

سونداي-اق مونيتورينگتىك توپتار جۇمىسىنىڭ تيىمدىلىگىن ارتتىرۋ جانە كارانتيندىك شارالاردى بۇزۋشىلارعا ۋاقتىلى شارالار قابىلداۋ قاجەت.

الداعى ۋاقىتتا كەلىپ تۇسەتىن ۆاكتسينا كولەمىنىڭ ۇلعايۋىن ەسكەرە وتىرىپ، ۆاكتسيناتسيالاۋعا ارنالعان كونتينگەنتتى جانە ۆاكتسيناتسيا پۋنكتتەرىنىڭ جەتكىلىكسىزدىگىن بولدىرماۋ، كوشپەلى ەگۋ بريگادالارىن ۇيىمداستىرۋ ءۇشىن توڭازىتقىش جابدىعىمەن قامتاماسىز ەتۋدى باقىلاۋ تالاپ ەتىلەدى.

سوڭعى ەكى اپتادا الماتىدا ەپيدەميالىق احۋالدىڭ ناشارلاۋى بايقالدى، ناۋقاستانۋشىلاردىڭ سانى 2،7 ەسەگە ءوستى. سونىمەن قاتار جاعدايى اۋىر ناۋقاستاردىڭ ەڭ كوپ ۇلەسى العاشقى تاۋلىكتە تىركەلدى، بۇل العاشقى مەديتسينالىق-سانيتارلىق كومەك كورسەتەتىن ۇيىمداردىڭ دەڭگەيىندەگى جۇمىستىڭ جەتكىلىكسىزدىگىن كورسەتەدى.

جالپى كۆي-گە قارسى كۇرەس جونىندەگى شتابتىڭ كوشپەلى وتىرىسىنىڭ قورىتىندىسى بويىنشا مينيستر ا. تسوي شەكتەۋ شارالارىن قاتاڭ ساقتاۋدى قوسا العاندا، بارلىق باعىتتار بويىنشا ينفەكتسيانى وقشاۋلاۋ بويىنشا جۇمىستى كۇشەيتۋدى تاپسىردى.

25 ناۋرىزداعى جاعداي بويىنشا الماتى قالاسىندا COVID-19 وڭ ناتيجەسىمەن 31 307 ناۋقاس جانە COVID-19 (پتر -) 5 498 ىقتيمال جاعدايى تىركەلگەن. 559 ءولىم جاعدايى تىركەلدى (452 كۆي+، 107 كۆي-).

سوڭعى 7 كۇن ىشىندە 100 مىڭ تۇرعىنعا شاققاندا كۆي+ سىرقاتتانۋشىلىق كورسەتكىشى-141،0 قۇرادى، RT رەپرودۋكتيۆتى سانى 1،11 قۇرادى. سوڭعى تاۋلىكتە كۆي+ 341 جاعدايى تىركەلدى، ءوسىم 1،1 قۇرادى.

وتكەن اپتادا (18 ناۋرىزدان 24 ناۋرىزعا دەيىن) الدىڭعى اپتامەن سالىستىرعاندا (11 ناۋرىزدان 17 ناۋرىزعا دەيىن) اۋرۋدىڭ 1،3 ەسە ءوسۋى بايقالادى (2 033-تەن 2 659 جاعدايعا دەيىن).

اۋرۋدىڭ ەڭ جوعارى كورسەتكىشى بوستاندىق، اۋەزوۆ، مەدەۋ جانە ناۋرىزباي اۋداندارىندا تىركەلدى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار