قاسىم-جومارت توقاەۆ شەيح حامدان بەن راشيد ءال ماكتۋمنىڭ قايتىس بولعانى تۋرالى سۋىت حاباردى تەرەڭ كۇيزەلىسپەن قابىل الدى.
«شەيح حامدان امىرلىكتەردىڭ دامۋى مەن وركەندەۋى, حالقىنىڭ يگىلىگى مەن مۇددەسى جولىنداعى ۇزاق جىلدار بويى اتقارعان ءمىنسىز قىزمەتىنىڭ ارقاسىندا زور قۇرمەتكە يە بولعانى بارشاعا بەلگىلى. قازاقستان حالقى دا اعاڭىز شەيح حامدان ءال ماكتۋمدى ەكىجاقتى قارىم-قاتىناستاردىڭ نىعايۋىنا سۇبەلى ەڭبەك سىڭىرگەن ەلىمىزدىڭ ناعىز دوسى, تىلەكتەس باۋىرى رەتىندە ءاردايىم ەسىندە ساقتايدى. جوعارى مارتەبەلى شەيح مۇحاممەد, ورنى تولماس اۋىر قايعىڭىزعا ورتاقتاسىپ, بۇكىل قازاقستاندىقتار مەن جەكە ءوز اتىمنان سىزگە جانە امىرلىكتەر حالقىنا كوڭىل ايتامىن», دەلىنگەن جەدەلحاتتا.
