Əلەم رەيتينگىندە 89-ورىندا تۇرعان قازاق سپورتشىسى ەكى سەتتە (6:2, 7:6) قارسىلاسىنا مۇمكىندىك بەرگەن جوق. ەندى ول ەكىنشى كەزەڭدە شۆەيتساريالىق بەليندا بەنچيچپەن (رەيتينگتە 12-ورىندا) كىم مىقتىنى انىقتايدى.
وسىناۋ جەڭىسپەن بۇگىن قازاقستان رەسپۋبليكاسىنىڭ مəدەنيەت جəنە سپورت ءمينيسترى اقتوتى رايىمقۇلوۆا قازاقستان تەننيس فەدەراتسياسىن, زارينا دياس پەن باپكەرىن, فەدەراتسيا پرەزيدەنتى بولات جəميت ۇلىن جəنە بارشا اقجۇرەك جانكۇيەردى قۇتتىقتادى.
«بۇل قازاق تەننيسى تاريحىنداعى ەلەۋلى وقيعانىڭ ءبىرى. وسىنداي حالىقارالىق بəسەكەلەردەگى جارقىن ءسات قازىرگى سىندارلى كەزەڭدە ەلدىڭ ەڭسەسىن تىكتەۋگە زور ۇلەس قوسادى. مەملەكەتىمىز ۇنەمى بۇقارالىق سپورتتى دامىتۋ, ناسيحاتتاۋعا ەرەكشە كوڭىل ءبولىپ كەلەدى. زارينانىڭ بۇگىنگى ەرلىگى اتقارىلىپ جاتقان جۇيەلى جۇمىس پەن وراسان ەڭبەكتىڭ جەمىسى دەپ بىلەمىز.
وسىناۋ ورايلى ءسəتتى پايدالانا وتىرىپ, قازاقستان تەننيس فەدەراتسياسىن, زارينا دياس پەن باپكەرىن, فەدەراتسيا پرەزيدەنتى بولات جəميت ۇلىن جəنە بارشا اقجۇرەك جانكۇيەردى شىن جۇرەكتەن قۇتتىقتايمىن!» دەپ جازىلعان ءمينيستردىڭ قۇتتىقتاۋ حاتىندا.
ايتا كەتەيىك, زارينا مەن ۆينۋس وسىمەن ەكىنشى رەت كەزدەستى. 2015 جىلى تسينتسينناتيدە وتكەن ءتۋرنيردىڭ العاشقى اينالىمىندا ۋيليامس 6:7 (6:8), 4:6 ەسەبىمەن باسىم تۇسكەن. ەندى جالپى كەزدەسۋلەر بويىنشا ەسەپ 1:1.
