ولاردىڭ قاتارىندا قازاقستاننىڭ ەڭبەك سىڭىرگەن قايراتكەرى, «دارىن» مەملەكەتتىك جاستار سىيلىعىنىڭ لاۋرەاتى, جىرشى, تەرمەشى ايگۇل ەلشىباەۆا, قازاقستاننىڭ ەڭبەك سىڭىرگەن قايراتكەرى ارداق بالاجانوۆا, قازاقستاننىڭ ەڭبەك سىڭىرگەن قايراتكەر, «قۇرمەت» ورەنىنىڭ يەگەرى كلارا تولەنباەۆا, مەدەت سالىقوۆتار بار.
مەرەكەگە شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان قاتىستى.
– حالىقتىڭ سۇرانىسى بويىنشا شىمكەنتتە ءداستۇرلى ونەرگە دەگەن سۇرانىس ارتۋدا. ونىڭ ءبىر دالەلى رەتىندە كەشەگى كۇنى قالامىزدا اشىلعان «قاراتاۋ» ءداستۇرلى ۇلتتىق ونەر مەكتەبىن اتاۋعا بولادى. مەكتەپتە ايتىس, تەرمە, جىردان باستاپ ۇلتتىق ونەرىمىزگە دەيىن دارىپتەلەدى. بۇگىنگە كەشكە سانيتارلىق تالاپتارعا سايكەس, 100 ادامنان ارتىق كورەرمەن قاتىسۋعا بولمايدى. دەگەنمەن تەلەنۇسقاسىن كورەرمەنگە ۇسىناتىن بولامىز, – دەدى شىڭعىس جۇمابەك ۇلى.
كەشتە ءداستۇرلى انشىلەر اقتامبەردى جىراۋدىڭ تولعاۋى, سۇگىر, ەستاي, شاشۋبايدىڭ جىر-تەرمەلەرى مەن حالىق اندەرىن شىرقاپ, كورەرمەننىڭ ىستىق ىقىلاسىنا بولەندى.
