ونەر • 20 ناۋرىز، 2021

ابايمەن رۋحتانعان تەاتر

36 رەت كورسەتىلدى

ناۋرىز مەيرامى قارساڭىندا تۇركى مادەنيەتىنىڭ حالىقارالىق ۇيىمى (تۇركسوي) مادەنيەت پەن ونەرگە قوسقان ەلەۋلى ۇلەسى ءۇشىن «استانا وپەرا» تەاترىنىڭ ارتىستەرىن ابايدىڭ 175 جىلدىعىنا ارنالعان مەدالمەن ماراپاتتادى، دەپ حابارلايدى Egemen.kz

تۇركسوي حالىقارالىق ۇيىمىنىڭ باس حاتشىسى دۇيسەن قاسەيىنوۆ سالتاناتتى ءىس-شارا بارىسىندا تەاتردىڭ جەتەكشى سوليستەرى جۇپار عابدۋللينا، تالعات مۇساباەۆ، كونتسەرتمەيستەر راۋشان بەسكەمبيروۆا، «استانا وپەرا» سيمفونيالىق وركەسترى ۆيولونچەلدەر توبىنىڭ كونتسەرتمەيستەرى، مۋزىكا ارلەۋشى داۋلەت شاكىروۆ جانە تاعى دا باسقا ءبىر توپ ونەر شەبەرىنە مەرەكەلىك مەدالءدى تابىس ەتتى.

قازاقتىڭ باس اقىنىنا ارنالعان كىتاپتىڭ تانىستىرىلىمى ءوتىپ، جينالعاندارعا سىيعا تارتىلدى.

تۇركى مادەنيەتىنىڭ حالىقارالىق ۇيىمىنىڭ ەڭبەگىمىزگە كەرەمەت باعا بەرۋى ءبىز ءۇشىن زور قۇرمەت. بىلتىر جىل بويى ىندەتكە بايلانىستى قيىندىقتارعا قاراماستان، «استانا وپەرا» تەاترىنىڭ ۇجىمى كورنەكتى ويشىل اباي قۇنانباي ۇلىنىڭ شىعارماشىلىعىنا ارناپ مادەني شارالار وتكىزدى. ونىڭ بارلىعى كوپشىلىككە ۇلكەن جانە كامەرالىق زال ساحنالارىنان ۇسىنىلدى. جىل بويى افيشامىزدىڭ ءسانى بولعان قازاق ۇلتتىق ونەرىنىڭ قازىناسى – «اباي» وپەراسى ساحنالاندى. بۇدان بولەك، تەاتر فويەسىندە 175 جىلدىققا ارنالعان «اباي» وپەراسىنداعى بەينەلەر» اتتى كورمە ءوتءتى، دەپ اتاپ ءوتتى تالعات مۇساباەۆ.

«استانا وپەرانىڭ» كامەرالىق زال ساحناسىنداعى ماراپاتتاۋ راسىمىندە جارقىن باعدارلامامەن ونەر كورسەتكەن ارتىستەر ەرەكشە كوڭىل-كۇي سىيلادى. اتاپ ايتقاندا، تالعات مۇساباەۆ، جۇپار عابدۋللينا، راۋشان بەسكەمبيروۆا مەن باسقا دا ونەرپازدار ابايدىڭ سوزىنە جازىلعان مۋزىكالىق نومىرلەر ۇسىندى.

سونداي-اق بۇل كۇنى قازاقستاندىق ونەردىڭ وزگە دە قايراتكەرلەرىباريتون، ۇستاز شاحيماردان ءابىلوۆ، دومبىراشى، قازاق حالىق ءارى ءداستۇرلى اندەردى ورىنداۋشىلار ەرلان رىسقالي مەن كلارا تولەنباەۆا، كومپوزيتور، مۋزىكا ارلەۋشى تاسقىن جارمۇحامەت مەرەيتويلىق مەدالدارعا يە بولدى.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار