مەملەكەتتىك كىرىستەر كوميتەتى الداعى تولەمدەرى جىبەرۋ وبلىستار بويىنشا كەزەڭ-كەزەڭمەن 18 ناۋرىزدان باستاپ 31 ناۋرىزعا دەيىن جىبەرىلەتىنىن حابارلادى.
سونداي-اق مكك-دە 2020 جىلعا جەكە تۇلعالاردىڭ كولىك قۇرالدارىنا سالىناتىن سالىق ءىىم اكىمشىلىك پوليتسيا كوميتەتىنىڭ مالىمەتتەرى نەگىزىندە ەسەپتەلگەنىن ەسكەرتتى.
2020 جىلعا ارنالعان كولىك قۇرالدارىنا ەسەپتەلگەن سالىق «E-salyq Azamat» ءموبيلدى قوسىمشاسىنىڭ «الداعى تولەمدەر» سەرۆيسىندە ورنالاستىرىلاتىن بولادى.
مەملەكەتتىك كىرىستەر كوميتەتى ازاماتتاردى مكك «E-Salyq-Azamat» تەگىن ءموبيلدى قوسىمشاسىن پايدالانۋعا شاقىرادى.
ءموبيلدى قوسىمشاعا كىرۋ ءۇشىن دەرەكتەردىڭ قاۋىپسىزدىگى ماقساتىندا ۇيالى تەلەفوننىڭ ءنومىرىن ءموبيلدى ازاماتتار بازاسىندا (حقكو) ءسىزدىڭ جسن-دە تىركەلۋى قاجەت.
جەكە تۇلعالارعا دايىن دەرەكتەمەلەر بويىنشا ءبىر مەزگىلدە تولەم جۇرگىزۋ مۇمكىندىگىمەن الداعى سالىق سوماسىن ونى تولەۋ مەرزىمى باستالعانعا دەيىن بىلۋگە مۇمكىندىك بەرىلگەن.
ەستەرىڭىزگە سالا كەتەيىك, 2020 جىلعا كولىك سالىعىن تولەۋ مەرزىمى 2021 جىلدىڭ 1 ساۋىرىندە اياقتالادى.
مكك پورتالىندا الداعى تولەمدەردى كورۋدەن باسقا, «ەلەكتروندىق ۇكىمەت» پورتالىندا (eGov.kz), بانكتەردىڭ ءموبيلدى قوسىمشالارىندا (Kaspi.kz, Homebank) دەرەكتەردى الۋ مۇمكىندىگى اسىرىلعان.
بۇل رەتتە, مكك ءموبيلدى قوسىمشالارىنىڭ جانە بانكتەردىڭ الداعى تولەمدەر سەرۆيسىندە كولىك قۇرالدارىنا ەسەپتەلگەن سالىق سوماسى دەربەس شوتتاعى بار تولەمدى (ارتىق تولەمدى) ەسكەرە وتىرىپ كورسەتىلەدى.
سونىمەن بىرگە كولىك قۇرالدارى سالىعى بويىنشا الداعى تولەمدەردىڭ سوماسى سالىق بەرەشەگى بولىپ تابىلمايدى, وسىعان بايلانىستى بۇل سوما مكك ءموبيلدى قوسىمشاسىنىڭ «سالىق جانە الەۋمەتتىك تولەمدەر بويىنشا بەرەشەك تۋرالى مالىمەتتەر» سەرۆيسىندە كورسەتىلمەيدى.
جەكە تۇلعالار سالىقتاردى باسقا تاسىلدەرمەن دە تولەي الادى: ەكىنشى دەڭگەيدەگى بانكتەردىڭ بولىمشەلەرىندە نەمەسە تولەم تەرمينالدارىندا قولما-قول اقشا قاراجاتىمەن, بانكوماتتار مەن تولەم تەرمينالدارىنداعى بانك كارتالارىنىڭ كومەگىمەن.
انىقتامالىق اقپاراتتى الۋ ءۇشىن جەكە تۇلعالار بىرىڭعاي بايلانىس ورتالىعىنىڭ 1414 تەگىن تەلەفون ءنومىرى بويىنشا حابارلاسا الادى.
سالىق بەرەشەگىن «e-Salyq-Azamat» موبيلدىك مكك «سالىق جانە الەۋمەتتىك تولەمدەر بويىنشا بەرەشەك تۋرالى مالىمەتتەر» سەرۆيسىندە تەكسەرۋگە بولاتىندىعىن اتاپ وتەمىز.
