بۇل تۋرالدى قالالىق ءماسليحات سەسسياسىندا «شىمكەنت قالاسىنىڭ كەيبىر قۇرامداس بولىكتەرىنە اتاۋ بەرۋ تۋرالى ارنايى جوبا» جاريالاندى.
«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 13-بابى 4) تارماعىنا سايكەس, قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنىڭ 2021 جىلعى 3 اقپانداعى قورىتىندىسىنىڭ نەگىزىندە جانە ءتيىستى اۋماق حالقىنىڭ پىكىرىن ەسكەرە وتىرىپ, شىمكەنت قالاسىنىڭ اكىمدىگى قاۋلى ەتەدى جانە شىمكەنت قالاسىنىڭ ءماسليحاتى شەشىم قابىلدادى», دەلىنگەن جوبا حابارلاماسىندا.
قۋانتارلىعى, بۇل تىزىمدە عاسىرلىق تاريحى بار ەلىمىزدىڭ باس باسىلىمى - «ەگەمەن قازاقستان» گازەتىنىڭ اتىنا دا كوشە اتاۋى بەرىلدى. ەندىگىدە قالانىڭ قاراتاۋ اۋدانىنا قاراستى بوزارىق ساياجايىنداعى اتاۋى جوق كوشە «ەگەمەن قازاقستان كوشەسى» بولىپ اتالادى.
سونداي-اق, اتالعان اۋدانداعى تاعى بىرنەشە كوشەگە رەسپۋبليكالىق بۇقارالىق اقپارات قۇرالدارىنىڭ اتاۋى بەرىلدى. ولاردىڭ قاتارىندا ۇلتتىڭ ۇنپاراعى - قازاق راديوسى دە بار.
الداعى ۋاقىتتا قالاعا قاراستى اۋدانداردىڭ اكiمدەرi وسى بىرلەسكەن قاۋلى مەن شەشiمدi iسكە اسىرۋ جونiندە قاجەتتi شارالار قابىلداماق. ال, قالالىق مادەنيەت, تىلدەردى دامىتۋ جانە ارحيۆتەر باسقارماسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وسى قۇجاتتى شىمكەنت قالاسىنىڭ ادىلەت دەپارتامەنتىندە مەملەكەتتىك تىركەۋدەن وتكىزەدى. بىرلەسكەن قاۋلى مەن شەشىم ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلمەك.
