ايتا كەتەيىك, جالپى وتىرىستا «2005 جىلعى 25 قاراشاداعى تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىعى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭى قابىلداندى.
«حاتتاما تاۋەلسىز مەملەكەتتەر دوستاستىعى اۋماعىندا ۇرلانعان اۆتوكولىك يەلەرىنىڭ قۇقىقتارىن قورعاۋدى قامتاماسىز ەتۋگە, قىلمىستىق قولسۇعۋشىلىققا قارسى ءىس-قىمىل جۇيەسىن جەتىلدىرۋگە باعىتتالعان. ىشكى ىستەر مينيسترلىگىنىڭ اقپاراتىنا سايكەس, سوڭعى 15 جىلدا ەلىمىزدە 40 303 اۆتوكولىك ۇرلانعان, ونىڭ ىشىندە 26 079-ى (64,7%) تابىلىپ, يەلەرىنە قايتارىلعان, 14 224-ءى (35,2%) تابىلماعان. ۇرلانعان اۆتوكولىكتەردىڭ 223-ءى تمد ەلدەرىندە تابىلىپ, ونىڭ 66-سى ەلىمىزگە قايتارىلعان (29,5%). سونداي-اق, ءبىزدىڭ ەلىمىزدە وسىنداي 233 اۆتوكولىك تابىلىپ, 84-ءى (36%) تمد ەلدەرىنە قايتارىلدى», دەدى سەناتور.
ونىڭ ايتۋىنشا, 2020 جىلى ەلدە ۇرلانعان 2121 كولىكتىڭ ىشىنەن 547 ۇرلىق جانە ايداپ كەتۋ فاكتىلەرى بويىنشا قىلمىستىق ەسەپكە قويىلدى, 412-ءسى يەلەرىنە قايتارىلدى, ال قالعان 1162-ءسى قارجى پيراميدالارى جانە الاياقتىق بويىنشا تەرگەلىپ جاتقان قىلمىستىق ىستەر اياسىندا ەسەپكە قويىلدى («گارانت 24 لومبارد», «ەЅتاتە لومبارد» جانە ء«تيىمدى قارىز بەرۋ»). وسى ىستەر بويىنشا بارلىق اۆتوكولىكتەر سوت شەشىمىنەن كەيىن قىلمىستىق ەسەپتەن شىعارىلادى.
