سارىارقا اۋدانىنىڭ وقجەتپەس كوشەسىندەگى دۇكەندە مونيتورينگتىك توپ قىزمەتكەرلەردىڭ ماسكا رەجيمىن بۇزعانىن انىقتادى.
سونداي-اق «مياتا» لاۋندج بارى تۇنگى ساعات 12-دەن كەيىن تاماقتانۋ ورىندارىندا شەكتەۋلەرگە قاراماستان جۇمىسىن جالعاستىردى.
الماتى اۋدانىنداعى «اتوم» كومپيۋتەرلىك كلۋبىنىڭ جۇمىس ىستەۋىنە تىيىم سالىنعانىنا قاراماستان زاڭدى اتتاپ, كارانتين ءتارتىبىن بۇزدى.
بايقوڭىر اۋدانىندا ورنالاسقان شاشلىكوفف گريل بارىندا دا كارانتيندىك شەكتەۋلەردىڭ بۇزىلۋى انىقتالدى.
قۇقىق بۇزۋشىلارعا قاتىستى بارلىق ماتەريالدار كاسىپكەرلەردى اكىمشىلىك جاۋاپكەرشىلىككە تارتۋ ءۇشىن ۋاكىلەتتى ورگاندارعا بەرىلدى.
ەستەرىڭىزگە سالا كەتەيىك, 10 ناۋرىزدان باستاپ نۇر-سۇلتان ەپيدەميولوگيالىق احۋالدى باعالاۋ بويىنشا «قىزىل ايماققا» ەندى. كارانتيندىك شەكتەۋلەردى بۇزۋشىلىقتاردى انىقتاۋ جانە بولدىرماۋ بويىنشا مونيتورينگتىك توپتاردىڭ جۇمىسى كۇشەيتىلگەن رەجيمگە اۋىستىرىلدى.
جاقىندا ەلوردانىڭ باس سانيتارلىق دارىگەرى سارحات بەيسەنوۆا نۇر-سۇلتاندا كارانتيندىك شەكتەۋلەردى كۇشەيتۋ تۋرالى قاۋلىعا قول قويدى. وعان سايكەس جەكسەنبى كۇندەرى كاسىپكەرلىك نىساندارىنىڭ ءبىرازىنىڭ جۇمىسىنا تىيىم سالىنادى. قۇجات 18 ناۋرىزدا كۇشىنە ەنەدى.
