سپورت • 17 ناۋرىز، 2021

الماتىدا جاسوسپىرىمدەر اراسىندا تەننيستەن قازاقستان بىرىنشىلىگى وتەدى

17 رەت كورسەتىلدى

الماتىدا 28 ناۋرىز – 2 ءساۋىر ارالىعىندا جاسوسپىرىمدەر اراسىندا تەننيستەن قازاقستان بىرىنشىلىگى وتەدى، دەپ حابارلايدى Egemen.kz Olympic.kz سايتىنا سىلتەمە جاساپ. 

الماتى قالاسى «ەيس» تەننيس ورتالىعىندا وتەتىن دوداعا ەلىمىز وڭىرلەرىنەن 100-دەي سپورتشى قاتىسادى. جەكەلەي سىندا نەگىزگى دوداعا قىزدار مەن ۇلدار اراسىندا 24 ويىنشىدان بىردەن وتەدى. ىرىكتەۋ سايىسىنان وتكەندەر ءتورت جولداماعا يە بولادى. وعان قوسا ۇيىمداستىرۋشىلار تاراپىنان ارنايى شاقىرتۋ (wild card) العاندار باق سىنايدى. جۇپتىق سىندا نەگىزگى جارىسقا 13 جۇپ بىردەن وتسە، تاعى ءۇش دۋەت ارنايى شاقىرتۋمەن قاتىسادى.

«تەننيس فەدەراتسياسى ەل اۋماعىنداعى ەڭ بەدەلدى تۋرنيرلەردىڭ ءبىرى بولعاندىقتان، جاسوسپىرىمدەر دوداسىنا ەرەكشە ءمان بەرىپ وتىر. التىن جۇلدە يەگەرلەرى قر سپورت شەبەرلىگىنە ۇمىتكەر اتاعىنا يە بولادى. سونىمەن قاتار ۇزدىك شىققاندار شىمكەنتتە ساۋىردە وتەتىن ITF World Tennis Tour M15 جانە W15 جارىستارىنا ارنايى شاقىرتۋ الادى»، دەدى قازاقستان تەننيس فەدەراتسياسىنىڭ اتقارۋشى ديرەكتورى دەيۆ مايلي.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار