ەلدىڭ بەس وڭىرىندە تۇراقتى ورنالاسقان جەرىنەن سانيتاريالىق اۆياتسيا جەلىسى بويىنشا ۇشۋلاردى ورىنداۋعا Eurocopter ەس-145 جانە كا-32ا11ۆس اۋە كەمەلەرى لەزدە ۇشىپ شىقتى. شىعىس قازاقستان وبلىسىندا اقجار اۋىلىنان جاڭا تۋعان نارەستەنى, كا-32ا11ۆس اۋە كەمەسىمەن الماتى وبلىسىندا ءۇشارال قالاسىنان ايەلدى, ماڭعىستاۋ وبلىسىندا جاڭاوزەن قالاسىنان نارەستەنى, پاۆلودار وبلىسىندا ەكىباستۇز قالاسىنان قارت ەر ادامدى جانە اقتوبە وبلىسى حرومتاۋ قالاسىنان قارت ايەلدى تاسىمالدادى. بارلىق ناۋقاستار جەدەل مەديتسينالىق كومەك كورسەتۋ ءۇشىن جەدەل تۇردە اۋرۋحانالارعا جەتكىزىلدى.
ناۋقاستاردى تاسىمالداۋ بويىنشا بارلىق ۇشۋلار ۇلتتىق شۇعىل مەديتسينانى ۇيلەستىرۋ ورتالىعىنىڭ مەديتسينا قىزمەتكەرلەرى مەن «قازاۆياقۇتقارۋ» توتەنشە جاعدايلار مينيسترلىگىنىڭ اۆياتسيالىق قۇتقارۋ بولىمشەسى ۇشقىشتارىنىڭ ۇيلەسىمدى جۇمىسىنىڭ ارقاسىندا وقىس وقيعاسىز ءساتتى اياقتالدى.
