18 اقپاندا شىمكەنت قپد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل الدىن الۋ ءىس-شارالارىن جۇرگىزۋ بارىسىندا ءبىر ازامات ۇستالدى. ول ازامات قالاداعى بالا-باقشالاردىڭ ءبىرىنىڭ جانىندا بولشەكتەپ قويعان سينتەتيكالىق ەسىرتكى زاتتارىن ساتۋ ماقساتىندا جاسىرىن ورىنعا تىعىپ قويعان.
ۇستالعان ازامات 1994 جىلى تۋعان جەرگىلىكتى تۇرعىن. تەكسەرۋ بارىسىندا اتالعان ازاماتتان 10 دانا سكوتچكە ورالعان سينتەتيكالىق ەسىرتكى زاتىنا ۇقساس زات, ءبىر دانا ەسىرتكى سايتتارىن جارنامالاۋعا ارنالعان ترافارەتتىك جازۋ جانە بوياۋلار تاركىلەنىپ الىندى.
ساراپشىنىڭ مالىمەتى بويىنشا, تاركىلەنگەن ەسىرتكى زاتتارىنىڭ جالپى سالماعى التى گراممعا جۋىق. سونداي-اق ۇيىنەن ەكى دانا سكوتچكە ورالعان سينتەتيكالىق ەسىرتكى زاتىنا ۇقساس زات, ءبىر دانا ەسىرتكى سايتتارىن جارنامالاۋعا ارنالعان ترافارەتتىك جازۋ جانە بوياۋلار تاركىلەنىپ الىندى.
اتالعان ازاماتتىڭ قالا اۋماعىنداعى بىرقاتار ەسىرتكى زاتىن جارنالاماۋعا قاتىستىلىعى تەكسەرىلىپ جاتىر. پوليتسيا قىزمەتكەرلەرى اتالعان جايتقا قاتىستى ازاماتتاردىڭ ءىس-ارەكەتىنە تەكسەرۋدىڭ ناتيجەسى بويىنشا قۇقىقتىق باعا بەرەتىن بولادى.
