رەيدتىك ءىس-شارالار نۇر-سۇلتان قالاسى اكىمدىگىنىڭ, قورشاعان ورتانى قورعاۋ جانە تابيعاتتى پايدالانۋ باسقارماسىنىڭ, نۇر-سۇلتان قالاسى ەكولوگيا دەپارتامەنتىنىڭ, نۇر-سۇلتان قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ, «ەكو پوليگون استانى» جشس جانە «كلين سيتي» جشس بىرلەسكەن كۇش-جىگەرىمەن جۇرگىزىلەدى.
ماسەلەن, 2021 جىلدىڭ اقپان جانە ناۋرىز ايلارىندا نۇر-سۇلتان قالاسىنىڭ پوليتسيا دەپارتامەنتى تابيعات قورعاۋ پوليتسياسى بولىمشەسىنىڭ قىزمەتكەرلەرى قر اقبتك-ءنىڭ 505-بابىنىڭ «اباتتاندىرۋ ەرەجەلەرىن بۇزعانى ءۇشىن...» شاعىن جانە ورتا بيزنەستىڭ 151 سۋبەكتىسى اكىمشىلىك جاۋاپكەرشىلىككە تارتىلدى, 29 قۇرىلىس ۇيىمى مەن 31 مەردىگەرلىك ۇيىمعا جالپى سوماسى ءۇش ملن تەڭگە ايىپپۇل سالىندى. بەلگىلەنبەگەن ورىندا قوقىس شىعارعانى ءۇشىن جۇك كولىگىنىڭ 10 جۇرگىزۋشىسىنە 460 مىڭ تەڭگە ايىپپۇل سالىندى.
ايتا كەتۋ كەرەك, رەيدتىك ءىس-شارالار ارى قاراي دا جالعاسادى. زاڭدى قاساقانا بۇزۋشىلاردى قۇرىلىس ليتسەنزياسىنان ايىرۋعا, جۇك تاسىمالداۋ قىزمەتىن توقتاتۋعا دەيىنگى قاتاڭ شارالار قولدانىلادى.
