ا.تسويدىڭ ايتۋىنشا, كوروناۆيرۋس ينفەكتسياسىن قوسپاعاندا, جالپى قازاقستاندا جۇقپالى اۋرۋلارعا قاتىسى ەپيدەميولوگيالىق احۋال تۇراقتى. مينيسترلىك 64 ينفەكتسيالىق اۋرۋ بويىنشا مونيتورينگ جۇرگىزۋدە, 2020 جىلدىڭ قورىتىندىسىنا سايكەس 42 ينفەكتسيا بويىنشا ناۋقاس سانى ازايدى.
«بيىل وبا, تىرىسقاق, ءىش سۇزەگى, قۇتىرۋ, تۋليارەميا, كۋونگو-قىرىم گەمورراگيالىق قىزباسى, ديفتەريا, سىرەسپە, قىزامىق, قىزىلشا, ءسىبىر جاراسى, بەزگەك اۋرۋلارى تىركەلگەن جوق», دەدى ا.تسوي.
وتكەن جىلدىڭ وسى كەزەڭىمەن سالىستىرعاندا 45 ينفەكتسيالىق اۋرۋ, ونىڭ ىشىندە كوكجوتەل (22 ەسە), بوتۋليزم (6,5 ەسە), مەنينگوكوكك ينفەكتسياسى (6 ەسە), ۆيرۋستىق گەپاتيت (4,7 ەسە), باكتەريالىق ديزەنتەريا (2 ەسە), برۋتسەللەز (49%), تۋبەركۋلەز (25%) بويىنشا سىرقاتتانعاندار سانى ازايعان.
سونىمەن قاتار, قازاقستان اۋماعىندا وبا, تۋليارەميا, گەمورراگيالىق قىزبا (كقگق, بسگق), كۇيدىرگى جانە باسقا دا زوونوزدىق ينفەكتسيالاردىڭ تابيعي وشاعى بار. ەلىمىزدە اسا قاۋىپتى جۇقپالى اۋرۋلار تابيعي وشاعىنىڭ اۋماعى ايتارلىقتاي اۋقىمدى. وڭتۇستىك وڭىرلەردە كونگو-قىرىم گەمورراگيالىق قىزباعا شالدىققاندار قاتارى ءبىر دەڭگەيدە قالىپ وتىر.
«كقگق قاتىتى ەپيدەميالىق ماۋسىم قارساڭىندا جانە وڭتۇستىك وڭىرلەردە كۇن جىلى بولاتىنىن ەسكەرىپ, اكىمدىكتەر اۋرۋلاردىڭ الدىن الۋعا ارنالعان شارالارعا اسا مۇقيات قاراۋى ءتيىس», دەدى ا.تسوي.
بۇعان دەيىنگى تاجىريبەنى ەسكەرە وتىرىپ, مساك, جەدەل مەديتسينالىق جاردەم قىزمەتكەرلەرىنىڭ جانە باسقا دا بەيىندى مامانداردىڭ كقگق-نى ەرتە انىقتاۋ, دياگنوستيكالاۋ جانە ەپيدانامنەز جيناۋ بويىنشا دايىندىعىن ارتتىرۋ قاجەت.
