حالىقتىڭ تابيعي قوزعالىسى
2021 جىلعى قاڭتاردا رەسپۋبليكا حالقىنىڭ تابيعي ءوسىمى 2020 جىلعى قاڭتارمەن سالىستىرعاندا 821 ادامعا نەمەسە 3,6% كەمىپ, 216,8 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,44 ادامدى قۇرادى.
احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە, 2021 جىلعى قاڭتاردا تۋىلعاندار سانى 34,2 مىڭ ادامدى قۇرادى, بۇل 2020 جىلعى قاڭتارعا قاراعاندا 0,6% از. تۋدىڭ جالپى كوەففيتسيەنتى 1000 ادامعا 21,17 تۋىلعانداردى قۇرادى.
قاراستىرىلىپ وتىرعان كەزەڭدە قايتىس بولعاندار سانى 12,5 مىڭ ادامدى قۇرادى, بۇل 2020 جىلعى قاڭتارعا قاراعاندا 5,1% كوپ. ءولىم-ءجىتىمنىڭ جالپى كوەففيتسيەنتى 1000 ادامعا 7,73 قايتىس بولعانداردى قۇرادى.
2021 جىلعى قاڭتاردا رەسپۋبليكادا 1 جاسقا دەيىن شەتىنەگەن 241 (2020 جىلعى قاڭتاردا–306) نارەستە تىركەلدى. 2020 جىلعى ءتيىستى كەزەڭمەن سالىستىرعاندا 1 جاسقا دەيىن شەتىنەگەن نارەستەلەر سانى 21,2% ازايدى. 2021 جىلعى قاڭتاردا نارەستە ءولىم-ءجىتىمىنىڭ كوەففيتسيەنتى 1000 تۋعاندارعا شاققاندا 7,06 (8,90) وقيعانى قۇرادى.
حالىقتىڭ كوشى-قونى
كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە, 2021 جىلعى قاڭتاردا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2020 جىلعى سايكەس كەزەڭمەن سالىستىرعاندا 57,8% ازايىپ, 79 290 ادامدى قۇرادى. ەلىمىزدەن كەتكەندەردىڭ تىركەلۋ سانى 43% ازايىپ, 80 199 ادامدى, كوشى-قوننىڭ ايىرىمى -909 ادامدى قۇرادى.
ەلىمىزدەگى نەگىزگى كوشى-قون الماسۋى تمد مەملەكەتتەرىمەن وتۋدە. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى 81,9% جانە تيىسىنشە 84,8% قۇرادى.
ەل ىشىندە قونىس اۋداراتىن كوشىپ-قونۋشىلار سانى 19,1%-عا كەمىدى. وڭىرارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ 4 وڭىرىندە بايقالدى: ماڭعىستاۋ (90 ادام) وبلىسىندا جانە نۇر-سۇلتان (2 202 ادام), الماتى (3 223 ادام) جانە شىمكەنت (3 060 ادام) قالالارىندا.
