ءداستۇرلi ۇلتتىق ونەر مەكتەبىنىڭ نەگىزگى ماقساتى - ەلىمىزدىڭ ءتول ونەرى مەن مادەنيەتىن دامىتۋ ءۇشىن جۇيەلى جۇمىس اتقارۋ جانە ءداستۇرلى ونەردىڭ ءتۇرلi سالالارىن جان-جاقتى جانداندىرىپ, ونى جاستار اراسىندا كەڭىنەن ناسيحاتتاۋدى كوزدەيدi.ء داستۇرلi ۇلتتىق ونەر مەكتەبىنىڭ نەگىزگى ماقساتى - ەلىمىزدىڭ ءتول ونەرى مەن مادەنيەتىن دامىتۋ ءۇشىن جۇيەلى جۇمىس اتقارۋ جانە ءداستۇرلى ونەردىڭ ءتۇرلi سالالارىن جان-جاقتى جانداندىرىپ, ونى جاستار اراسىندا كەڭىنەن ناسيحاتتاۋدى كوزدەيدi.
مەكتەپتىڭ اشىلۋ راسiمiنە قاتىسقان قالا باسشىسى قوبىز, ايتىس, شەرتپە كۇي سەكىلدى بiرقاتار كابينەتتi ارالاپ, تانىسىپ شىقتى.
- حالىقتىق ءداستۇرلى ونەر - بۇل ءبىزدىڭ مادەني مۇرامىز. ۇلتتىق ونەر ارقىلى وسكەلەڭ ۇرپاقتىڭ بويىنا قازاقتىڭ ءداستۇرى مەن تۇرمىسىن, ادامدىق مىنەزىن سىڭدىرە الامىز. اتا-بابادان ميراس بولعان ۇلتتىق بولمىس پەن ۇلتتىق ونەردى ۇمىت قالدىرماۋدىڭ ءبىر جولى – ونى جاستارعا ۇيرەتۋ. ءبىز بۇگىن ەكى تاريحتىڭ ورتاسىندا تۇرمىز. بۇل مەكتەپتەن كەشەگى مايلىقوجا, مادەلىدەي اقىندار, سۇگىر مەن تولەگەندەي كۇيشىلەر, تاۋشەن مەن اسەلحان اپالارىمىزداي ايتىسكەر قىزدار شىعادى دەپ ۇمىتتەنەمىز. وسىنداي ۇلكەن ۇمىتپەن سەنىم ارتىپ, جاس كەلسە ىسكە دەپ, مەكتەپتىڭ تىزگىنىن ءوز ۇلدارىڭىز, ونەردىڭ ىستىق-سۋىعىندا ابدەن شىڭدالعان, وتكىر ءتىلدى ايتىسكەر اقىن, «دارىن» مەملەكەتتىك جاستار سىيلىعىنىڭ يەگەرى ءبىرجان بايتۋوۆقا تاپسىرعالى وتىرمىن. بۇل ۇلكەن جاۋاپكەرشىلىك. ەسكى ونەردى ءتىرىلتىپ, جاڭا زامانعا الىپ شىعاتىن, قاراتاۋ ونەرىن جاڭعىرتاتىن, شىمكەنتتىڭ عانا ەمەس قازاقتىڭ اتىن الەمگە شىعاراتىن شاكىرتتەر شىعۋىنا تىلەكتەسپىن, - دەدi مۇرات ايتەنوۆ.
العاشىندا ساز مەكتەبى ءۇشىن جوسپارلانىپ سالىنعانىمەن, كەيىننەن قالا اكىمىنىڭ تاپسىرماسى بويىنشا ءداستۇرلى ۇلتتىق ونەر مەكتەبى بولىپ قايتا جاساقتالعان ونەر مەكتەبi 10 باعىت بويىنشا جۇمىس ىستەيدى. اتاپ ايتقاندا, اقىندىق ونەر – ايتىس, پوەزيا, انشىلىك ونەر - ءداستۇرلى ءان, جىر-تەرمە, كۇيشىلىك ونەر – دومبىرا, قوبىز, جەتىگەن, شەشەندىك ونەر - كوركەم ءسوز, كوشباسشىلىق, اكتەرلىق ونەر - ساحنا ءتىلى, كينو جانە تەاتر, بي ونەرى – ۇلتتىق, كلاسسيكالىق, قولونەر - اعاش, بىلعارى, توقىما, تىگىنشىلىك, بەينەلەۋ ونەرى - كەسكىندەمە, گرافيكا, كومپوزيتسيا, ۆوكال – ەسترادا, كلاسسيكا, فورتەپيانو, سولفەدجيو, مۋلتيپليكاتسيا – انيماتسيا, كينو, روليك.
«قاراتاۋ» ءداستۇرلى ۇلتتىق ونەر مەكتەبى شىمكەنت قالاسى بەكەت باتىر كوشەسى, N5-ۇيدە ورنالاسقان. مۇندا مەكتەپ جاسىنداعى بالالار مەن جاسوسپىرىمدەر (6-17 جاس ارالىعىنداعى جاسوسپiرiمدەر مەن جاستار) قابىلدانادى. ۇيىرمەلەر اقىلى. مەكتەپتى بىتىرۋشىلەرگە ارنايى كۋالىكتەر بەرىلەدى.
ءىس-شارا بارىسىندا قالا اكىمى ءبۇلدىرشىننىڭ تۇساۋىن كەسىپ, تىلەك داپتەرىنە جازبا قالدىردى.
