14 ناۋرىزدا تۇنگى ساعات 02:00-دە بەلگىلەنگەن جۇمىس رەجيمىن بۇزعان ەلوردالىق بارلاردىڭ بىرىندە ءبىر ۋاقىتتا 300-گە جۋىق ادام ساۋىق قۇرعان. ەلوردانىڭ سول جاعالاۋىندا ورنالاسقان «Bla Bla Bar» كارانتيندىك شەكتەۋلەرگە قاراماستان, ءتۇن ورتاسىنان كەيىن دە جۇمىس ىستەدى. وقيعا ورنىنا كەلگەن مونيتورينگ توبى مەكەمەدە 300-گە جۋىق ادامنىڭ بولعانىن انىقتادى. كەلۋشىلەر الەۋمەتتىك قاشىقتىق پەن ماسكا رەجيمىن ساقتامادى. ماتەريال قر اقبتك 425-بابىنا سايكەس اكىمشىلىك شارالار قابىلداۋ ءۇشىن «ەسىل اۋدانىنىڭ سانيتارلىق-ەپيدەميالىق باقىلاۋ باسقارماسى» رمم-گە جىبەرىلدى.
سونداي-اق, ەسىل اۋدانىندا جۇمىس رەجيمىن بۇزعان «Zima» بارىنىڭ باسشىلىعى دا جاۋاپقا تارتىلدى.
الماتى اۋدانىندا وتكەن تاۋلىكتە مونيتورينگتىك توپ كارانتيندىك شەكتەۋلەردى بۇزعان 3 مەكەمەنى – «دوستار» كومپيۋتەرلىك كلۋبىن, «مەنسون» جانە «جانىم سول» كاراوكە-كلۋبتارىن انىقتادى.
سارىارقا اۋدانىندا «تامشى» ساۋناسى ەلوردانىڭ باس سانيتارلىق دارىگەرىنىڭ شەكتەۋ شارالارى تۋرالى قاۋلىسىن بۇزا وتىرىپ, 00:00-دەن كەيىن جۇمىسىن جالعاستىردى. كارانتيندى ساقتاماعانى ءۇشىن «قازىعۇرت» كافەسى دە, بايقوڭىر اۋدانىنداعى «Mezzo كاراوكە» زالى دا جاۋاپكەرشىلىككە تارتىلدى.
ەستەرىڭىزگە سالا كەتەيىك, 10 ناۋرىزدان باستاپ نۇر-سۇلتان ەپيدەميالىق جاعداي بويىنشا «قىزىل ايماققا» ەندى. كارانتيندىك شەكتەۋلەردىڭ بۇزىلعانىن انىقتاۋ جانە بولدىرماۋ بويىنشا مونيتورينگتىك توپتاردىڭ جۇمىسى كۇشەيتىلگەن رەجيمگە اۋىستىرىلدى.
