حالىقارالىق جيىن قاسيەتتى قۇران اياتىمەن اشىلدى. مىسىر اراب رەسپۋبليكاسىنىڭ ۋاقىپ ءمينيسترى مۇحتار جۇما دىندەر مەن مادەنيەتتەر اراسىنداعى سۇحباتتىڭ ماڭىزى جايلى بايانداما جاساپ, ءدىن قايراتكەرلەرىنە يگى تىلەگىن جەتكىزدى.
باس ءمۇفتي ناۋرىزباي قاجى تاعان ۇلى كونفەرەنتسيا اياسىندا ۋاقىپ ءمينيسترى مۇحتار جۇمامەن, مىسىر ءمۇفتيى شاۋقي اللاممەن جانە قازاقستاننىڭ مىسىر اراب رەسپۋبليكاسىنداعى توتەنشە جانە وكىلەتتى ەلشىسى قايرات لاما شاريفپەن سۇحباتتاستى.
ايتا كەتسەك, يسلام ىستەرى جونىندەگى جوعارى كەڭەستىڭ 31-ءىنشى حالىقارالىق كونفەرەنتسياسىنا 100-دەن استام مۇسىلمان مەملەكەتتەرىنىڭ مۇفتيلەرى مەن عالىمدارى قاتىسۋدا.
قازاقستاندىق دەلەگاتسيا قۇرامىندا قمدب اپپارات باسشىسى عىلىمبەك ماجيەۆ, ۋاعىز-ناسيحات ءبولىمىنىڭ مەڭگەرۋشىسى باتىرجان بەردەن ۇلى, ءدىني ءبىلىم جانە كادر دايارلاۋ ءبولىمىنىڭ مەڭگەرۋشىسى سمايىل سەيىتبەكوۆ, اقپارات جانە قوعاممەن بايلانىس ءبولىمىنىڭ مەڭگەرۋشىسى مارات بەكتازينوۆ, نۇر-مۇباراك ۋنيۆەرسيتەتىنىڭ پرورەكتورى قايرات قۇرمانباەۆ, نۇر-استانا مەشىتىنىڭ باس يمامى نۇرلان رامازانوۆ بار.
