سىبايلاس جەمقورلىققا قارسى ۆەدومستۆونىڭ باسشىسى اليك شپەكباەۆ يوردانيالىق ارىپتەستەرىن جۇمىس ناتيجەلەرىمەن جانە ەلىمىزدە جۇرگىزىلىپ جاتقان كەشەندى رەفورمالارمەن تانىستىرىپ, ساياسي جاڭعىرتۋدىڭ ماڭىزدىلىعىن اتاپ ءوتتى. سونداي-اق, ول سىبايلاس جەمقورلىق قۇقىق بۇزۋشىلىقتارى ءۇشىن قىلمىستىق جاۋاپكەرشىلىكتى كۇشەيتۋگە جانە الدىن الۋعا باعىتتالعان سىبايلاس جەمقورلىققا قارسى زاڭنامانىڭ نوۆەللالارىنا نازار اۋداردى.
بۇعان دەيىن ءوز حاتىندا كوميسسيا توراعاسى مۋحانناد حيدجازي ەلىمىزدىڭ جەتىستىكتەرىن, حالىقارالىق رەيتينگتەردە ايتارلىقتاي ءوسۋدى اتاپ ءوتتى. ءوز كەزەگىندە ەلشى يۋسۋف ابدەلگاني قازاقستاندا تۇرىپ, سىبايلاس جەمقورلىققا قارسى ءىس-قيمىلداعى جاقسارتۋلار مەن ەلەۋلى جەتىستىكتەرگە كوز جەتكىزگەنىن اتاپ ءوتتى.
يوردانيا ۆەدومستۆوسىنىڭ باس حاتشىسى اسام تاراۋنە سىبايلاس جەمقورلىققا قارسى ساياساتتىڭ قالىپتاسۋ تاريحى تۋرالى ەگجەي-تەگجەيلى ايتىپ بەردى. ونىڭ تاريحى 2005 جىلى بۇۇ-نىڭ سىبايلاس جەمقورلىققا قارسى كونۆەنتسياسىن راتيفيكاتسيالاۋدان باستاۋ الىپ, پارا بەرۋ ۋادەسىن/ۇسىنىسىن كريميناليزاتسيالاۋ, ىقپال ەتۋ ساۋداسى جانە اقشانى جىلىستاتۋ بولىگىندە پىسىقتالىپ جاتقان باستامالارعا دەيىن جالعاسادى.
ەكى مەملەكەتتىك ورگاننىڭ قىزمەتى, فۋنكتسيالارى مەن باسىمدىقتارى كوبىنە سايكەس كەلەدى. مىسالى, يوردانيانىڭ سىبايلاس جەمقورلىققا قارسى ءىس-قيمىل ۇلتتىق جوسپارىندا كوزدەلگەن جوبالاردىڭ 70%-ى الدىن الۋعا باعىتتالعان.
كەزدەسۋ قورىتىندىسى بويىنشا تاراپتار ىنتىماقتاستىق تۋرالى مەموراندۋمعا قول قويۋ جانە تۇراقتى نەگىزدە ءوزارا كەڭەستەر ۇيىمداستىرۋ تۋرالى كەلىستى.
