ۆيدەودا اياق كيىمدەگى ايەلدىڭ قۇرتتى اياققپەن تاپتاپ, ابدەن ەزگىلەپ جاتقانى ءساتى تۇسىرىلگەن. ادەتتە ىركىتتى قايناتقان سوڭ قۇرت ەزبەسى دايىن بولادى. ونى بەلگىلى ءبىر پىشىندە قاتىرۋ ءۇشىن تۇز قوسىپ, جاقسىلاپ ارالاستىرۋ قاجەت. ونداي جۇمىستار ارنايى جەردە, ءارى تازا قۇرالدارمەن جاسالىنادى. ال ۆيدەوداعى ايەل مۇنداي تالاپتاردىڭ ءبىرىن دە ساقتاماعان.
تاعى ءبىر ۆيدەودا بىرنەشە ادامنىڭ انتيسانيتارلىق جاعدايدا ەدەندە قۇرت دايىنداپ جاتقانىن كورۋگە بولادى. بۇل ۆيدەولار الەۋمەتتىك جەلىلەردە تەز تارادى جانە كورەرمەندەر اراسىندا نارازىلىق تۋدىردى.
STV حابارلاعانداي, وقيعا وزبەكستاننىڭ سامارقاند وبلىسىندا بولعان.
ۆيدەو جاريالانعان سوڭ Sevimli ارناسى قۇرت دايىندالعان جەردى تاۋىپ الىپ, ارنايى رەپورتاج ازىرلەگەن. ۆيدەوداعى ارەكەتتەر سامارقاند وبلىسىنىڭ يشتىحان اۋدانىنىڭ ماحاللالارىنىڭ بىرىندە بولعانى انىقتالدى. ولار قۇرتتى ىستەپ, وزبەكستان بازارلارىنا ساتۋمەن اينالىسىپ كەلگەن.
كەيىن سەس قىزمەتكەرلەرى نورمالار ساقتالماعان جاعدايدا دايىندالعان قۇرتتىڭ بۇكىل پارتياسىن جويدى.
