بەكبول تىلەۋمۇرات ۇلى 1971 جىلى ماڭعىستاۋ وبلىسىندا تۋعان. ءبىلىمى جوعارى. 1993 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىندە, 1998 جىلى – ش.ەسەنوۆ اتىنداعى اقتاۋ ۋنيۆەرسيتەتىندە, 2011 جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە ءبىلىم العان.
ەڭبەك جولىن ماڭعىستاۋ وبلىسىنىڭ كەدەن باسقارماسىنىڭ «باۋتينو» كەدەن پوستىنىڭ ينسپەكتورى قىزمەتىنەن باستاعان. مۇناي, بانك, سالىق, قارجى سەكتورىندا ءتۇرلى قىزمەتتەردى اتقارعان. كەيىنگى جىلدارى اقتاۋ قالاسىنىڭ اكىمدىگىندە ەڭبەك ەتتى.
2006 جىلى اقتاۋ قالاسى اكىمىنىڭ ورىنباسارى, 2008 جىلى قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگىندە باسقارما باسشىسى قىزمەتتەرىن اتقاردى.
2019 جىلدان وسى كۇنگە دەيىن «اقتاۋ تەڭىز پورتى» ارنايى ەكونوميكالىق ايماق» اق باسقارما توراعاسى بولدى. بەكبول تىلەۋمۇرات ۇلى وبلىستاعى ەنەرگەتيكا, جەر, تابيعاتتى پايدالانۋ, توتەنشە جاعدايلار, اۋىل شارۋاشىلىعى جانە ۆەتەريناريا سالالارىنا جەتەكشىلىك ەتەدى.
