اتالعان شارۋاقوجالىق جۇمىسىمەن تانىسۋ ماقساتىندا شىمكەنت قالاسىنىڭ اكىمى مۇرات ايتەنوۆ ارنايى ابدۋللاباد تۇرعىن الابىنا باردى.
اسىل تۇقىمدى ءسۇت باعىتىنداعى شارۋاشىلىق 2019 جىلى ەڭ الدىمەن اۆستريادان 128 باس ءسۇتتى-ەتتى باعىتتاعى اسىل تۇقىمدى (سيممەنتال) سيىرلاردى الىپ كەلىپ, ءوز جۇمىسىن باستاعان. بۇگىنگى تاڭدا شارۋاشىلىقتا جالپى ءىرى قارا مال باسىنىڭ سانى 317-گە جەتىپ, ونىڭ ىشىندە ءسۇتتى باعىتتاعى سيىرلاردىڭ سانى 161 باستى قۇراپ وتىر.
جالپى اۋماعى 2,2 گەكتاردى قۇرايتىن شارۋا قوجالىلىعىندا زاماناۋي «پاراللەل» ساۋ قوندىرعىسى, ءسۇتتى جيناۋعا ارنالعان سالقىنداتقىش تانكەر سەكىلدى يننوۆاتسيالىق تەxنولوگيالار جانە سيىرلاردى تۇراقتى ۇستاۋ, اسىل تۇقىمدى بۇزاۋلاردى ءوسىرۋ ايماقتارى بار. بۇدان بولەك, مال ازىعىن دايىنداۋعا ارنالعان ارنايى قۇرىلعىلارمەن, اۋىل شارۋاشىلىق تەحنيكالارىمەن قامتىلعان. مۇندا ءار باستان تاۋلىگىنە ورتاشا ەسەپپەن 22 ليتر ءسۇت الىنىپ, جىلىنا وندىرىلەتىن ءسۇتتىڭ كولەمى 1000 توننادان اسادى.
وندىرىلگەن سيىر سۇتىنە جانە ساتىپ العان جەمدىك ازىقتىڭ قۇنىنا «اسىل تۇقىمدى مال شارۋاشىلىعىن دامىتۋدى, مال شارۋاشىلىعىنىڭ ونىمدىلىگى مەن ءونىم ساپاسىن ارتتىرۋدى سۋبسيديالاۋ» باعدارلاماسىمەن بىلتىر 15,4 ملن تەڭگە سۋبسيديا ءبولىنىپ, مەملەكەتتىك قولداۋ كورسەتىلگەن.
بيىل اسىل تۇقىمدى مال باسىن ارتتىرىپ, 350 ميلليون تەڭگە كولەمىندە ينۆەستيتسيا تارتۋ كوزدەلىپ وتىر.
- تازا سۇتكە سۇرانىس ۇنەمى جوعارى. ءسۇت, ەت – تۇرعىنداردىڭ باستى ازىعى. قالا حالقىن اۋىلشارۋاشىلىق ونىمدەرىمەن تولىعىمەن ءوزىمىز قامتۋىمىز كەرەك. مەملەكەت قولداۋى جىلدان-جىلعا ارتىپ كەلەدى. مۇمكىندىكتى دۇرىس پايدالانۋ ارقىلى, شارۋاقوجالىقتى ۇلكەن مەكەمەگە اينالدىرۋعا بولادى. بۇل باعىتتا جۇمىستارىڭىزدى توقتاتپاڭىزدار, - دەدى شاھار باسشىسى.
