ايماقتار • 08 ناۋرىز، 2021

اتىراۋدا ءبىر سىنىپتا 25 وقۋشىنىڭ ساباققا قاتىسۋىنا رۇقسات بەرىلدى

186 رەت كورسەتىلدى

اتىراۋ وبلىسىنىڭ باس سانيتار دارىگەرى مادەنيەت تاناۋوۆءبىر سىنىپتا 25 وقۋشىنىڭ ساباققا قاتىسۋىنا رۇقسات بەرەتىن جاڭا قاۋلىعا قول قويدى.

«2021 جىلدىڭ 9 ناۋرىزىنان باستاپ جالپى ءبىلىم بەرەتىن مەكتەپتەردە مەكتەپالدى دايارلىق سىنىپتارىن، 1-دەن 5-سىنىپقا دەيىن قوسا العاندا، حالىقارالىق مەكتەپتەردە 1-دەن 7-سىنىپقا دەيىن قوسا العاندا، سىنىپتاردا 25 بالادان اسپايتىن بالا سانىمەن ارالاس فورماتتا وقىتۋعا رۇقسات ەتىلسىن» دەلىنگەن قاۋلىدا.

سونداي-اق، وقۋ بىتىرەتىن سىنىپتار ءۇشىن (9، 11 (12) سىنىپتار)  اپتانىڭ 6 كۇنىندە ارالاس فورماتتا: پاندەردىڭ 70%-ىن شتاتتىق رەجيمدە، 30%-ىن قاشىقتان وقىتۋعا (سىنىپتا 15 ادامنان ارتىق ەمەس، 1 سىنىپ-1 كابينەت قاعيداتى بويىنشا، سانيتاريالىق-دەزينفەكتسيالىق رەجيمدءى، بەتپەردە كيۋ رەجيمىن ساقتاۋ)، ارنايى، مامانداندىرىلعان ۇيىمداردىڭ، ەرەكشە ءبىلىم بەرۋ قاجەتتىلىگى بار بالالارعا ارنالعان مەكتەپ-ينتەرناتتاردىڭ (ونىڭ ىشىندە اتا-اناسىنىڭ قامقورلىعىنسىز قالعان جەتىم بالالارعا ارنالعان)، جالپى ۇلگىدەگى مەكتەپ-ينتەرناتتاردىڭ، دارىندى بالالارعا ارنالعان مەكتەپ-ينتەرناتتاردىڭ) قىزمەتىنە رۇقسات بەرىلءىپ وتىر.

جاڭا قاۋلى 9 ناۋرىزدا ساعات 00:00-دەن باستاپ زاڭدى كۇشىنە ەنەدى.

سوڭعى جاڭالىقتار

ۇقساس جاڭالىقتار