ونەر • 08 ناۋرىز، 2021

حالىقارالىق ايەلدەر كۇنىنە وراي گالا-كونتسەرت ءوتتى

38 رەت كورسەتىلدى

«استانا بالەت» ساحناسىندا حالىقارالىق ايەلدەر كۇنىنە وراي گالا-كونتسەرت ءوتتى. 6-7 ناۋرىزدا، قاتارىنان ەكى كۇن بويى، ەلىمىزدىڭ ءۇش تەاترى – «استانا بالەت»، «استانا وپەرا»، اباي اتىنداعى قازاق ۇاوبت جەتەكشى سوليستتەرى،  قازاقستاندىق بالەت جۇلدىزدارى ءبىر ساحنادا باس قوسىپ، ونەر كورسەتتى، دەپ حابارلايدى Egemen.kz

ەكى بولىمنەن تۇرعان كەش باعدارلاماسى 16 نءومەردەن قۇرالعان: ارتىستەر كلاسسيكالىق مۇراعا اينالعان سپەكتاكلدەردىڭ ۇزىندىلەرىن، سونداي-اق، سونى حورەوگرافييالىق قويىلىمداردى ورىنداپ شىقتى.

«باعدارلامامىز وتە مازمۇندى ءارى سان-الۋان بولدى، سونداي-اق، كەيبىر نومەرلەر ساحنامىزدا العاش ورىندالعانىن اتاپ ءوتۋىمىز كەرەك. وسى باعدارلامانى دايىنداعان كەزدە، ءوز باسىم، كەلىپ جەتكەن كوكتەم شۋاعىن جاڭا ءومىر تىنىسىن، ماحاببات پەن ىڭكار سەزىمدى جەتكىزگىم كەلدى. سوندىقتان، ءار بي ماحابباتتىڭ سان قىرىن سۋرەتتەيدى: قۇشتارلىق، رومانتيكالىق، مەلانحولييالىق سەزىم يىرىمدەرى»، دەدى «استانا بالەت» تەاترىنىڭ كوركەمدىك جەتەكشىسى نۇرلان كانەتوۆ.

ءبىرىنشى بولىمدە تس.ءپۋنيدىڭ «ەسمەرالدا»، پ.چايكوۆسكءيدىڭ «اققۋ كولى»، ب.اسافەۆءتىڭ «پاريج الاۋى»، ك.گليۋكءتىڭ «اۋەن»، ا.اداننىڭ «كورسار»، پ.ماسكانيدىڭ «Diversity»، پ.چايكوۆسكيدىڭ «Divine» سىندى بالەتتەرءىنءىڭ ۇزىندىلەرى كورسەتىلدى.

ءبىرىنشى ءبولىمنىڭ سوڭىندا ءۇش تەاتردىڭ جەتەكشى سوليستتەرى: فارحاد بءوريەۆ، باحتيار ادامجان مەن جانەل تءوكەەۆا ادولف ادان مۋزىكاسىنا قويىلعان «كورسار» بالەتىنەن تريو ورىنداپ، كورەرمەن قاۋىمنىڭ زور ىقىلاسىنا بولەندى.

ەكىنشى بولىمدە «جيزەل» بالەتىنەن گراند-پا، «كارمەن-سيۋيتا» بالەتىنەن دۋەت، «اققۋ كولى» بالەتىنەن اداجيو، فەدور لوپۋحوۆ حورەوگرافياسىنداعى «گوپاك»، «سپارتاك» بالەتىنەن دۋەت، «شوپەنيانا» بالەتىنەن ۆالس، «Love FearLoss» بالەتىنەن دۋەت جانە «دون كيحوت» بالەتىنەنپا-دە-دە كورسەتىلدى.

بي كەشىنىڭ جارقىن كورىنىسىنىڭ ءبىرى ا.حاچاتۋريان مۋزىكاسىنا حورەوگراف گەورگي كوۆتۋن قويعان «سپارتاك» بالەتىنەن اداجيو ەدى. ەلوردالىق تەاتر ساحناسىنا سپەكتاكل ءۇزىندىسىن «استانا بالەت»تەاترىنىڭ كوركەمدىك جەتەكشىسى، رف ەڭبەك سىڭىرگەن قايراتكەرى نۇرلان كانەتوۆ كوشىردى. سپارتاك پەن فريگييانىڭ بەينەسىن فارحاد بءوريەۆ پەن اينۇر ابىلعازينا سومدادى.

ەكى كەش بويى ونەر كورسكەتكەن «استانا بالەت» تەاترىنىڭ سوليستتەرى مەن ارتىستەرى: تاتيانا تەن، فارحاد بءوريەۆ، قازبەك احمەديياروۆ، اينۇر ابىلعازينا، ديلارا شوماەۆا، ايجان مۇقاتوۆا، ۋەسلي كارۆالو، ەلدار سءارسەمباەۆ، بالجان ءابدءىراحمانوۆا جانە وزگە بيشىلەر.

گالا-كونتسەرتتە شاقىرىلعان ارتىستەر رەتىندە ونەر كورسەتكەندەر: «استانا وپەرا» تەاترىنىڭ پرەمەرءى باحتيار ادامجان، اباي اتىنداعى قازاق ۇاوبت جەتەكشى سوليستتەرى جانەل تءوكەەۆا، راحىم دايىروۆ پەن مءاليكا ەلءشىباەۆا.

ەستەرىڭىزگە سالا كەتەيىك، ناۋرىز ايىندا ءبىزدىڭ ۇجىم «ۆالپۋرگيەۆ ءتۇنى» جانە «گايا» ءبىر اكتىلى بالەتتەرى مەن ناۋرىز مەيرامىنىڭ قارساڭىندا «ۇلتتىق حورەوگرافيا كەشىن» كورسەتەدى. تەاتردىڭ كوركەمدىك جەتەكشىسى ءساۋىر ايىنداعى قويىلىمدار جايلى دا ايتىپ قالدى. كوپ ۇزاماي، كورەرمەن كوزايىمىنا اينالعان «بەيبارىس سۇلتان»، «ماحاببات تۋرالى اڭىز» جانە «جيزەل» بالەتتەرى قايتا كورسەتىلەتىن بولادى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار