«كۇندىزگى ساعات 10:45 شاماسىندا «102» وپەراتورىنا ۆوكزال ماڭى شاعىن اۋدانىندا ورنالاسقان شاعىن نەسيە كەڭسەسىنىڭ كاسسيرى تەلەفون سوققان. كاسسير مەديتسينالىق بەتپەردە كيگەن بەلگىسىز ازاماتتىڭ ساعات 10:30 شاماسىندا پىشاقپەن قورقىتىپ, كاسساداعى 400 000 تەڭگەنى الىپ كەتكەنىن حابارلادى. پوليتسيا دەپارتامەنتىنىڭ قىزمەتكەرلەرى جەدەل-ىزدەستىرۋ شاراسىن جۇرگىزىپ, قىلمىستىڭ ءىزىن سۋىتپاي, 25 جاستاعى كۇدىكتىنى ۇستادى. كۇدىكتى ۋاقىتشا ۇستاۋ يزولياتورىنا قامالدى», دەپ ءمالىم ەتتى دەپارتامەنتتىڭ ءباسپاسوز قىزمەتىنەن.
قازىر كۇدىكتىگە قاتىستى قر قىلمىستىق كودەكستىڭ 192-بابى, 1-بولىگىمەن سوتقا دەيىنگى تەرگەۋ باستالدى.
