ونەر • 05 ناۋرىز، 2021

الماتىدا «جىل قۇسى-2021» كورمەسى باستالدى

181 رەت كورسەتىلدى

بۇل كۇندەرى اباي اتىنداعى قازاق ۇلتتىق پەداگوگيكالىق ۋنيۆەرسيتەتى، جاراتىلىستانۋ جانە گەوگرافيا ينستيتۋتى جىل سايىن وتەتىن ءداستۇرلى «قۇستار كۇنىن» اتاپ وتۋدە. ناۋرىز ايىنىڭ 2 كۇنى قازاقستان بيوالۋانتۇرلىلىكتى ساقتاۋ قاۋىمداستىعى، رەسپۋبليكا قۇستارىن قورعاۋ وداعى، الماتى حايۋاناتتار باعى بىرلەسە وتىرىپ رەسپۋبليكالىق دەڭگەيدە  «جىل قۇسى-2021» جوباسى اياسىندا مەكتەپ وقۋشىلارىنىڭ سۋرەت كورمەسىن اشتى.

«جىل قۇسى-2021» جوباسىنا ەلىمىزدىڭ كوپتەگەن جوعارى وقۋ ورىندارى سونىڭ ىشىندە قورقىت اتا اتىنداعى قىزىلوردا ۋنيۆەرسيتەتى، ح.دوسمۇحامەدوۆ اتىنداعى اتىراۋ ۋنيۆەرسيتەتى، م.ح. دۋلاتي اتىنداعى تاراز وڭىرلىك ۋنيۆەرسيتەتى، تورايعىروۆ ۋنيۆەرسيتەتى، پاۆلودار پەداگوگيكالىق ۋنيۆەرسيتەتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، قىزدار ۇلتتىق پەداگوگيكالىق ۋنيۆەرسيتەتتەرى جانە رەسپۋبليكامىزدىڭ تۇكپىر تۇكپىرىنەن 43 مەكتەپتەن 307 وقۋشى قاتىسۋدا.

جوبادا ستۋدەنتتەر مەن وقۋشىلار قۇستارعا ارنالعان ارنايى زەرتتەۋلەر جۇرگىزىلەدى، اقپاراتتىق پاراقشالار مەن پلاكاتتار تاراتىلادى، بالالاردىڭ سۋرەت كونكۋرستارى جانە باسقا دا ءىس-شارالار وتكىزىلەدى.

«جىل قۇسى-2021» جوباسىنىڭ اشىلۋ سالتاناتىنا ۋنيۆەرسيتەت رەكتورى ت.بالىقباەۆ باستاعان ۋنيۆەرسيتەت باسشىلىعى، الماتى حايۋاناتتار باعىنىڭ وكىلدەرى، ۋنيۆەرسيتەت پروفەسسور وقىتۋشىلار قۇرامى جانە ستۋدەنتتەر قاتىستى.

758

ۋنيۆەرسيتەت رەكتورى ت.بالىقباەۆ ينستيتۋتتىڭ باستاماسىمەن ۇيىمداستىرعان بۇل شارا بولاشاق ۇرپاقتىڭ تابيعاتتى قورعاۋعا دەگەن تاربيەلەيتىنىن، سونىمەن بىرگە بالالاردىڭ قۇستارعا دەگەن قامقورلىعى، تابيعاتقا دەگەن ايالى سەزىمدەرىن وياتاتىنىن ايتىپ، ينستيتۋت باسشىلىعىنا، ۇيىمداستىرۋشىلارعا العىس ءبىلدىردى.

كەلەسى كەزەكتە ءسوز العان ينستيتۋت ديرەكتورى ك.د.كايمۋلدينوۆا جوبانىڭ ءۇش كەزەڭنەن تۇراتىنىن ايتتى. 1-10 ناۋرىز ارالىعىندا ءبىرىنشى كەزەندە مەكتەپتىڭ 1-6 سىنىپ وقۋشىلارى اراسىندا «قۇستار تۋرالى» اتتى سۋرەت بايقاۋى، 11-20 ارالىعىندا ەكىنشى كەزەڭدە ناۋرىز ايىنىڭ 7-11 سىنىپ وقۋشىلارى اراسىندا «ۇياداعى قۇس» كورمەسى، ناۋرىز ايىنىڭ 21-30 ارالىعىندا ءۇشىنشى كەزەڭدە جوعارى وقۋ ورىندارىنىڭ 1-2 كۋرس ستۋدەنتتەرى اراسىندا ونلاين رەجيمدە كوماندالىق جارىس بولاتىنىن تارقاتىپ ايتتى.

سونىمەن بىرگە بۇل شارا تەك ەكولوگيالىق تاربيە بەرىپ قويماي مەكتەپ پەن جوعارى وقۋ ورىندارى اراسىندا جانە جوعارى وقۋ ورىندارى اراسىندا ىنتىماقتاستىق ورناتۋدى كوزدەيتىنىن ايتتى.

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار