رۋحانيات • 05 ناۋرىز، 2021

تاتيانانىڭ ءتاتتى جىميىسى

22 رەت كورسەتىلدى

سۇلۋلىققا مۇنشا قۇشتار بولارمىسىڭ، دۇنيە! ورىس قىزىنىڭ تەڭىز جانارى تاعى دا الدىمىزدان شىقتى. كوڭىلگە ىڭكار بەينەسى ك ۇلىمسىرەپ قاراپ تۇر. ماعان، سىزگە، وعان... بارىمىزگە بىردەي كوزقاراستا. ونىڭ كەلبەتىنە ۇزاق ۇڭىلگەن سايىن قىمسىنامىز. قۇددى، وزىنە سونشا سۇيسىنگەنىمىزگە وكپەلەيتىندەي.

ءبىزدى مۇنداي ويعا جەتەلەگەن سۋرەت­شىلەر وداعىنىڭ مۇشەسى ۆيكتور كەلدىڭ «تاتيانا» اتتى كارتيناسى. اۆتور كۇللى سلاۆيان حالقىنىڭ سۇلۋلىعىن ءبىر ادام­نىڭ بويىنا سىيدىرعانداي. قاراعان جان قايران قالارى انىق. ءسىز دە اينالىپ وتە المايسىز. سەبەبى «تاتيانانىڭ» نازىك جىميىسى جۇرەك تولقىتىپ، كەۋدەڭە الدەبىر كۇيدىڭ ىرعاعىن اكەلەدى. كوكتەم شىعار دەيمىز ىشىمىزدەن...

قىلقالام شەبەرى تۋلا وبلىسىندا دۇنيەگە كەلگەن. الايدا ونىڭ وتباسى كوپ ۇزاماي تسەلينوگرادقا كوشىپ كەتەدى. 1969-1973 جىلدارى سمولەنسك پەداگوگيكالىق ينستيتۋتىنىڭ كوركەم­سۋرەت-گرافيكا فا­كۋل­تەتىندە وقۋ بىتىر­گەن سوڭ، ءوزىنىڭ تۋعان قالاسىنا قايتا ورالادى. تۋلامەن سۋرەت­شىنىڭ بار عۇمىرى بىتە قايناسىپ جاتىر.

ۆيكتور كەل ءارتۇرلى سيپاتتى سۋرەتشى. ول مايلى بوياۋ، اكريل، اكۆارەل، پاستەل، تەمپەر سىندى ءتۇرلى ماتە­ريال­داردى پايدالانا وتىرىپ، كەسكىن­دەمەمەن جانە تاسقا سۋرەت سالۋمەن اي­نالىسادى. بۇگىندە كەسكىندەمەنىڭ ءتۇرلى جانرلارىن دامىتۋدا. پەيزاج بەن پورترەت ونىڭ ەڭ سۇيىكتى جانرلارى سانالادى. ءبىز ۇسىنىپ وتىرعان كارتينا – سولاردىڭ ءبىرى.

ونەردەگى ەڭ ۇلى تاقىرىپ – ايەل بەينەسى. ءاربىر قىلقالام يەسى ءوز ءداۋىرىنىڭ سۇلۋلىق يدەالىن سالادى. ونىڭ وسى ءبىر تۋىندىسى وزىنە كوپتەگەن سۋرەتشىنىڭ نازارىن اۋدارتتى. نەگە دەسەڭىز، اۆتور كەيىپكەرى رەتىندە تسەلينوگرادتىق سۋ­رەت­شى تاتيانا حوحلوۆانىڭ بەينەسىن العان. كارتينانىڭ بار قۇپياسى سوندا جاتقانداي.

پورترەتتە كەلبەتى ايقىن، جۇمساق ءجۇزدى، جىميىسى سۇيكىمدى، يىعىنا تۇسكەن شاشتارى سارعىلت، كوزدەرى مەيىرىم نۇرىن شاشقان ارۋ بەينەلەنگەن. ول ءوزى تاراتىپ تۇرعان قۋانىش پەن ماحابباتقا قوسىلۋعا شاقىرىپ تۇرعانداي. قىز ويداعى پەيزاج فونىنا سالىنعان. نايزاعاي الدىنداعى بۇلت بولماسا كارتينادا كۇن كورىنبەيدى. الايدا قىزدىڭ بويىنان توگىلگەن جارىق ساۋلەلەرى اينالاعا شاشىراپ تۇر. ۆيكتور كەل باس مولشەرىنە بوياۋدى جالپاق جاعۋ ارقىلى ايەلدىڭ جۇزىنە جارىق بەرەدى. بۇل نۇرلى جارىق بەت كەلبەتىنىڭ اسەمدىگى مەن موينىنىڭ ۇزىن ءارى ادەمى ەكەندىگىن ايگىلەيدى.

كارتينا ءبىر قاراعاندا قاراپايىم-اق، الايدا تەرەڭ ۇڭىلسەڭىز شىنايى ءھام تابيعي سۇلۋلىقتى كورۋگە بولادى. سۋرەتشى ناعىز ەموتسيانى، سەزىمدى جەتكىزە العان. وعان قاراپ تۇرىپ، تاتياناعا جا­ۋا­پ رەتىندە وزىڭىزدە جىميعىڭىز كەلەدى.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

ۇقساس جاڭالىقتار