قر سپورت جانە مادەنيەت مينيسترلىگى جانە سپورت كوميتەتىنىڭ بۇيرىعىمەن بۇل قىزمەتكە اسقار مولداعالي تاعايىندالدى.
اسقار مولداعالي سپورتشى رەتىندە حالىقارالىق جانە رەسپۋبليكالىق جارىستاردا ۇزدىكتەر قاتارىنان كورىنگەن, الەمدىك دەڭگەيدەگى باپكەر ءارى تورەشى سانالادى. 2020 جىلى ول توكيو وليمپياداسىندا تورەلىك جاسايتىن قازىلار تىزىمىنە ەنگەن بولاتىن.
«ۇستازىمىز جاستالاپ اعانىڭ ومىردەن وتكەنى بىزگە قاتتى سوققى بولدى. بۇل ورنى تولماس وكىنىش. ءوز جەتەكشىمنىڭ ورنىنا كەلۋ ارقىلى جاۋاپكەرشىلىك جۇگىنىڭ اۋىرلاي تۇسكەنىن سەزەمىن. سيحاننىڭ باسشى رەتىندەگى تالانتى ءوزى جوقتا دا بايقالىپ جاتىر. ويتكەنى, فەدەراتسيانىڭ جۇمىسىن ول الدىن الا ويلاستىرىپ قوياتىن. جاستالاپ ابدىقان ۇلىنىڭ كەرەمەت جوسپارلارىن ودان ءارى جالعاستىرامىز. مەنىڭ قازىرگى تاڭداعى ەڭ ۇلكەن مىندەتىم – ءبىزدىڭ سيحاننىڭ ءىزىن جالعاستىرۋ», - دەيدى قازاقستان كاراتە فەدەراتسياسىنىڭ ۆيتسە-پرەزيدەنتى اسقار مولداعالي.
