ۆەدومستۆو دەرەكتەرىنە سايكەس, بولشەك نەسيەلەردىڭ قارقىنى 2024 جىلمەن سالىستىرعاندا ءبىرشاما باسەڭدەگەن. اتاپ ايتقاندا, وتكەن جىلى بۇل كورسەتكىش 23,9% بولعان.
حالىققا بەرىلگەن قارىز قۇرىلىمىنا كوز جۇگىرتسەك:
- يپوتەكالىق نەسيە 14,6%-عا ءوسىپ, 6,9 ترلن تەڭگەگە جەتتى.
- تۇتىنۋشىلىق نەسيە كولەمى 21%-عا ارتىپ, 16,7 ترلن تەڭگەنى قۇرادى. سونىمەن قاتار كەپىلسىز تۇتىنۋشىلىق نەسيەلەردىڭ ءوسۋ قارقىنى 2024 جىلعى 29,3%-دان 2025 جىلدىڭ قورىتىندىسى بويىنشا 14,5%-عا دەيىن تومەندەدى.
اگەنتتىك بۇل باياۋلاۋ تۇتىنۋشىلىق قارىزدار سەگمەنتىندەگى تاۋەكەلدەردى شەكتەۋ بويىنشا قابىلدانعان شارالارمەن بايلانىستى ەكەنىن اتاپ ءوتتى. اتاپ ايتقاندا, جاڭا كەپىلسىز نەسيە بەرۋ كولەمىنىڭ ءوسۋ قارقىنى 22,6%-دان 6,1%-عا دەيىن ازايعان.
بۇل رەتتە تۇتىنۋشىلىق نەسيە بەرۋدىڭ وسۋىنە اۆتونەسيەلەر ايتارلىقتاي ۇلەس قوستى. ءبىر جىل ىشىندە ولاردىڭ كولەمى 42,4%-عا ءوسىپ, 4 ترلن تەڭگەگە جەتتى.
2025 جىلعى جەلتوقساندا ۇلتتىق ۆاليۋتاداعى حالىققا بەرىلگەن نەسيەلەر بويىنشا ورتاشا سارالانعان مولشەرلەمە 18,3% بولدى. بۇل 2024 جىلعى 17%-بەن سالىستىرعاندا جوعارى.
2026 جىلعى 1 قاڭتارداعى جاعداي بويىنشا مەرزىمى 90 كۇننەن اسقان بەرەشەگى بار حالىق قارىزدارىنىڭ ۇلەسى 4,3%-دى نەمەسە 1,07 ترلن تەڭگەنى قۇرادى. ءبىر جىل بۇرىن بۇل كورسەتكىش 3,8% بولعان.
جالپى العاندا, قازاقستاننىڭ بانك سەكتورى ءوسىم كورسەتىپ وتىر. 2025 جىلى بانكتەردىڭ اكتيۆتەرى 15%-عا ارتىپ, 70,8 ترلن تەڭگەگە جەتتى. بۇل ەكونوميكاعا بەرىلەتىن نەسيە كولەمىنىڭ كەڭەيۋىمەن بايلانىستى.
