فوتو: t.me/consot_kz
كوميسسيانىڭ سەگىزىنشى وتىرىسى بارىسىندا كونستيتۋتسيالىق كوميسسيانىڭ توراعاسى ەلۆيرا ءازىموۆا الدىڭعى وتىرىستاردا تۇسكەن بارلىق ۇسىنىستاردى جيناقتاپ, ولاردى بىرىڭعاي تىزىمگە ەنگىزۋدى جانە ولاردىڭ جوباعا قالاي ەسكەرىلگەنىن نەمەسە ءالى دە قارالۋ ۇستىندە ەكەنىن كورسەتۋدى ۇسىندى.
جۇلدىز سۇلەيمەنوۆا: جاڭا كونستيتۋتسيادا تابيعاتتى قورعاۋ قاعيداتتارى ايقىندالدى
بۇعان دەيىن, كوميسسيانىڭ جەتىنشى وتىرىسىندا ءماجىلىس دەپۋتاتى ەلنۇر بەيسەنباەۆ جاڭا كونستيتۋتسيا جوباسىندا «ماڭگىلىك بيلىككە» جول بەرىلمەيتىنىن مالىمدەگەن ەدى.
قازاقستاننىڭ جاڭا كونستيتۋتسياسى جوباسىندا ەلدىڭ اۋماقتىق تۇتاستىعىنىڭ مىزعىماستىعى كورىنىس تاپقان. بۇل تۋرالى وتكەن وتىرىستا مەملەكەتتىك كەڭەسشى ەرلان كارين مالىمدەدى.
وتىرىس بارىسىندا ادام قۇقىقتارى جونىندەگى ۋاكىل ارتۋر لاستاەۆ كونستيتۋتسيا جوباسىندا قالىڭدىق ۇرلاۋ مەن نەكەگە ماجبۇرلەۋ سياقتى ەسكى قۇبىلىستاردى تۇبەگەيلى جويۋعا مۇمكىندىك بەرەتىن نورما بەكىتىلگەنىن ايتتى. سونداي-اق لاستاەۆ جاڭا كونستيتۋتسيا جوباسىندا سوعىستى ناسيحاتتاۋعا تىيىم سالۋمەن قاتار, قارۋلى قاقتىعىستاردى ناسيحاتتاۋعا دا قوسىمشا تىيىم ەنگىزىلگەنىن حابارلادى.
ەسكە سالا كەتەيىك, 31 قاڭتاردا جاڭا كونستيتۋتسيانىڭ جوباسى جاريالانعان بولاتىن. بۇعان دەيىن كونستيتۋتسيالىق سوت توراعاسىنىڭ ورىنباسارى باقىت نۇرمۇحانوۆ جاڭا كونستيتۋتسيا جوباسىنداعى سوت تورەلىگى جۇيەسىنە, جەرگىلىكتى باسقارۋعا جانە نەگىزگى زاڭعا وزگەرىستەر ەنگىزۋ تارتىبىنە قاتىستى ماڭىزدى وزگەرىستەر تۋرالى باياندادى.
جاڭا كونستيتۋتسيا جوباسى پرەامبۋلادان, 11 بولىمنەن جانە 95 باپتان تۇرادى.
كونستيتۋتسيالىق سوتتىڭ سايتىنداعى جاريالانىمدا ايتىلعانداي, كونستيتۋتسيانىڭ جاڭا پرەامبۋلاسىندا ادام قۇقىقتارى مەن بوستاندىقتارى العاش رەت مەملەكەتتىڭ نەگىزگى باسىمدىعى رەتىندە جاريالانعان. بىرلىك پەن ىنتىماق, ۇلتارالىق جانە كونفەسسياارالىق كەلىسىم قازاقستان مەملەكەتتىلىگىنىڭ ىرگەتاسى رەتىندە ايقىندالعان.
ەركىن ءابىل: تاريحي ساباقتاستىقتى كونستيتۋتسيادا بەكىتۋ – ۇلت جادىن قورعاۋ
سونىمەن قاتار مەملەكەتتىك بيلىكتىڭ بىردەن-ءبىر قاينار كوزى جانە ەگەمەندىكتىڭ يەسى – قازاقستان حالقى ەكەنى بەكىتىلگەن.
