قوعام • 04 ناۋرىز, 2021

اتىراۋدا 27 جاستاعى جىگىت بىرنەشە جەرگە ەسىرتكى جاسىرعان

500 رەت
كورسەتىلدى
1 مين
وقۋ ءۇشىن

اتىراۋدا 27 جاستاعى جىگىتءتىڭ قالانىڭ بىرنەشە بولىگىنە ەسىرتكىءنى جاسىرعانى انىقتالدى.  

اتىراۋدا 27 جاستاعى جىگىت بىرنەشە جەرگە ەسىرتكى جاسىرعان

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەسىرتكى جاسىردى دەگەن كۇدىكپەن 27 جاستاعى جاس جىگىتتى ۇستادى.

«اتىراۋ قالاسى تۇرعىنىنىڭ ۋاقىتشا مەكەن-جايىن ءتىنتۋ كەزىندە ۇنتاق ءتارىزدى زات, ەسىرتكى دوزالارىن ولشەيتىن قۇرالدار تابىلدى. تەرگەۋدەن سوڭ كۇدىكتى قالا اۋماعىنىڭ ءۇش نۇكتەسىندە ءوزى جاسىرعان 60 دوزانى قۇرايتىن ەسىرتكىنى تاۋىپ بەردى. ساراپتاما قورىتىندىسىمەن ەسىرتكى-پيروۆالەرون ەكەنى انىقتالدى» دەيدى ەسىرتكى قىلمىسىنا قارسى ءىس-قيمىل باسقارماسىنىڭ باستىعى مارات تاعانيازوۆ.

قازىر ۇستالعان كۇدىكتىگە قاتىستى قر قىلمىستىق كودەكسىنىڭ 297-بابى, 3-بولىگىمەن  سوتقا دەيىنگى تەرگەۋ باستالدى.

سوڭعى جاڭالىقتار