بۇعان اتىراۋ مۇناي وڭدەۋ زاۋىتىنداعى كاتاليتيكالىق كرەكينگ قوندىرعىسىنىڭ ىستەن شىعۋىنا بايلانىستى سۇيىتىلعان مۇناي گازىن ءوندىرۋ جۇزەگە اسىرىلمايتىنى سەبەپ بولىپ وتىر. اتالعان قوندىرعىنى قالپىنا كەلتىرۋ ناۋرىزدىڭ سوڭىنا دەيىن جالعاسادى.
ەنەرگەتيكا مينيسترلىگى وسىعان بايلانىستى ناۋرىز ايىنا سۇيىتىلعان مۇناي گازىن جەتكىزۋدىڭ تۇزەتىلگەن جوسپارىن قايتا جاساقتادى. وندا اتالعان زاۋىتقا بەكىتىلگەن وڭىرلەر باسقا زاۋىتتاردىڭ رەسۋرستارىنا قايتا ءبولىندى.
«اتاپ ايتقاندا, الماتى, قاراعاندى, سولتۇستىك قازاقستان, جامبىل وبلىستارى مەن نۇر-سۇلتان, الماتى قالالارىنا سۇيىتىلعان گاز جەتكىزۋ «پەتروقازاقستانويلپروداكتس» جشس-نە جۇكتەلدى. ال, قوستاناي مەن ماڭعىستاۋ وبلىستارىنا «سنپس-اقتوبەمۇنايگاز» اق جەتكىزەدى. اتىراۋ وبلىسىن «تەڭىزشەۆرويل» جشس, باتىس قازاقستان وبلىسىن «جايىقمۇناي» جشس قامتيتىن بولادى. قءازىر قايتا تۇزەتىلگەن جوسپارعا سايكەس گاز جەلىسى ۇيىمدارى مەن جەتكىزۋشى زاۋىتتار اراسىندا شارتتار جاساۋ جۇرگىزىلۋدە. وسىلايشا, وڭىرلەردىڭ سۇيىتىلعان مۇناي گازىنا قاجەتتىلىگى جوسپارلى كولەمدە قامتاماسىز ەتىلەدى» دەپ حابارلادى مينيسترلىكتىڭ ءباسپاسوز قىزمەتىنەن.
