ايماقتار • 03 ناۋرىز، 2021

باتىس قازاقستاندا 85 ەلدى مەكەندى سۋ باسۋى مۇمكىن

108 رەت كورسەتىلدى

باتىس قازاقستان وبلىسىندا كوپ جىلدىق مونيتورينگكە سايكەس 36 مىڭنان استام ادام تۇراتىن 85 ەلدى مەكەنگە سۋ باسۋ قاۋپى جوعارى، دەپ حابارلايدى Egemen.kz

وبلىستىق تج دەپارتامەنتىنىڭ باستىعى، گەنەرال-مايور جاسۇلان جۇماشەۆتىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەنىندەي، ورال قالاسى، تاسقالا، قازتالوۆ جانە بايتەرەك اۋداندارى ەڭ قاۋىپتى اۋماقتار قاتارىنا جاتادى. جاسۇلان قىدىرعوجا ۇلىنىڭ سوزىنە قاراعاندا، ەلدى مەكەندەردى سۋ باسۋ قاۋپىنىڭ ءۇش دەڭگەيى انىقتالعان.

اتاپ ايتقاندا، 27 ەلدى مەكەن سۋ باسۋدىڭ جوعارى، 50 اۋىل ورتاشا، تاعى 8-ءى تومەن دەڭگەيىنە جاتقىزىلعان. قازىرگى تاڭدا «قازگيدرومەت» رمك بقو فيليالىنىڭ مالىمەتى بويىنشا قاردىڭ بيىكتىگى – 35 سم، توپىراقتىڭ قاتۋ كورسەتكىشى – 35-69 سم. شىڭعىرلاۋ، شەجىن 2، ولەڭتى جانە شىدەرتى وزەندەرىندە ىلعال قورى قالىپتى دەڭگەيدە. دەركول مەن شاعان وزەندەرىندە كوپ جىلدىق كورسەتكىشتەردەن 13-16 پايىزعا تومەن.

«وبلىستاعى كوكتەمگى سۋ تاسقىنى شەكارالىق وزەندەردىڭ تابيعي اعىسىنا عانا ەمەس، سونىمەن قاتار رەسەي اۋماعىندا ورنالاسقان سۋ قويمالارىنان جىبەرىلەتىن سۋ كولەمىنە دە بايلانىستى. وسى ورايدا رەسەيلىك ارىپتەستەرمەن سۋ تاسقىنى، اتاپ ايتقاندا، ورىنبور جانە ساراتوۆ وبلىستارىنداعى يريكلا مەن ۆارفولومەەۆ سۋ قويمالارىن قاۋىپسىز جانە ءوزارا ءتيىمدى پايدالانۋ ماسەلەلەرى بويىنشا ءوزارا اقپارات الماسىپ وتىرامىز»، دەدى ج.جۇماشەۆ.

وعان قوسا تۇسكەن قاردى ۋاقتىلى جيناپ، قالا مەن ەلدى مەكەندەردەن دەر كەزىندە شىعارۋدىڭ دا ماڭىزى زور. قازىرگى كەزدە ەرىگەن قار سۋىنىڭ باسۋ قاۋپى بار ۋچاسكەلەردى تەكسەرۋ جۇمىستارى جۇرگىزىلۋدە. كۇنى بۇگىن ەلدى مەكەندەردەن 494 مىڭنان استام تەكشە مەتر قار شىعارىلدى. 1150-دەن استام تەكشە مەتر ەرىگەن سۋ سورىلدى.

كوكتەم كەزىندەگى توتەنشە جاعدايلاردى جويۋ جۇمىستارىنا 2591 ادام، 734 تەحنيكا، 45 ءجۇزۋ قۇرالى، 295 موتوپومپا تارتىلماقشى.

وبلىس بويىنشا ءتۇرلى سيپاتتاعى توتەنشە جاعدايلاردى جويۋعا رەزەرۆتە 1،5 ملرد تەڭگە قاراستىرىلدى. ەسكە سالا كەتەيىك، بۇدان بۇرىن باتىس قازاقستاندا تاعى ءبىر رەسپۋبليكالىق جول جابىلعانىن جازعان بولاتىنبىز. بۇگىن بارلىق باعىتتار بويىنشا جول اشىق.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار