اۋدارىمنىڭ سوماسى – 218،6 ملن تەڭگە

قوعام • 03 ناۋرىز، 2021

اۋدارىمنىڭ سوماسى – 218،6 ملن تەڭگە

7 رەت كورسەتىلدى

بىرىڭعاي جيناقتاۋشى زەينەتاقى قورىنا ازاماتتاردان زەينەتاقى پورتفەلىن باسقارۋشىعا اۋدارۋعا بايلانىستى 87 ءوتىنىش كەلىپ تۇسكەن. اۋدارىمنىڭ جالپى سوماسى 218،6 ملن تەڭگەدەن اسادى ەكەن.

اباي قازبەك ۇلى

«سالىمشىنىڭ زەينەتاقى جيناقتارى يپب باسقارۋىنا: سالىمشىنىڭ بجزق-داعى ناقتى زەينەتاقى جيناقتارىنىڭ سوماسى مەن زەينەتاقى جيناقتارىنىڭ ەڭ تومەن جەتكىلىكتىلىك شەگى اراسىنداعى ايىرمادان اسپايتىن مولشەردە; نەمەسە ءومىر بويعى تولەمدەردى كوزدەيتىن ساقتاندىرۋ ۇيىمىمەن زەينەتاقى اننۋيتەتى شارتى جاسالعان جاعدايدا، سالىمشىنىڭ بجزق-داعى شوتىنداعى زەينەتاقى جيناقتارىنىڭ قالدىعىنان اسپايتىن مولشەردە بەرىلۋى مۇمكىن» دەلىنگەن قور حابارلاماسىندا.

زەينەتاقى جيناقتارىن اۋدارۋ ءۇشىن سالىمشى بجزق-عا ءوتىنىش جاساۋى قاجەت، ونى enpf.kz سايتىنداعى جەكە كابينەت ارقىلى نەمەسە بجزق-نىڭ كەز كەلگەن وڭىرلىك بولىمشەسىنە بارىپ بەرۋىنە بولادى.

قازىرگى ۋاقىتتا بجزق زەينەتاقى اكتيۆتەرىن سەنىمگەرلىكپەن باسقارۋ تۋرالى ءۇش يپب-مەن شارت جاسالعان. ولار تۋرالى اقپاراتتارمەن تانىسىپ، ينۆەستيتسيالىق دەكلاراتسيالاردان حاباردار بولۋ ءۇشىن قور سايتىنداعى «قىزمەتتەر» – «زەينەتاقى جيناقتارىنىڭ ءبىر بولىگىن يپب-نىڭ سەنىمگەرلىكپەن باسقارۋىنا اۋدارۋ» بولىمىنە كىرۋ كەرەك.

2021 جىلعى 23 اقپانداعى جاعداي بويىنشا ۋاكىلەتتى وپەراتورلاردان («وتباسى بانكى» تقجب» اق، «قازاقستان حالىق بانكى» اق، سونداي-اق «بانك تسەنتركرەديت» اق) تۇرعىن ءۇي جاعدايلارىن جاقسارتۋ ماقساتىندا بىرجولعى زەينەتاقى تولەمدەرىن جۇزەگە اسىرۋعا
163 662 ءوتىنىش تۇسكەن.

«جالپى سوماسى 579 ملرد تەڭگە بولاتىن 108 444 ءوتىنىش ورىندالدى. سالىمشىلاردىڭ ارنايى شوتتارىنا تۇسكەن تولەمدەردىڭ ورتاشا سوماسى 5،3 ملن تەڭگەدەن اسادى» دەلىنگەن مالىمدەمەدە.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز