سپورت • 02 ناۋرىز، 2021

Forte Challenger 125 ءتۋرنيرى قازاقستاندىقتار ءۇشىن ءساتسىز باستالدى

4 رەت كورسەتىلدى

ەلوردادا تەننيستەن Forte Challenger 125 ءتۋرنيرى قازاقستاندىقتار ءۇشىن ءساتسىز وتۋدە، دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.

الەمنىڭ 96-ىنشى، وسى دودانىڭ 3-راكەتكاسى ميحايل كۋكۋشكين دۇنيەجۇزىلىك رەيتينگتە 179-ورىندا تۇرعان پورتۋگاليالىق فرەدەريكو فەررەيرا سيلۆامەن كورتقا شىقتى. بۇل ويىندا م.كۋكۋشكين قارسىلاسىنا 3:6، 5:7 ەسەبىمەن ەسە جىبەردى. ول ءبىر اپتا بۇرىن دا ەلورداداعى وسىنداي تۋرنيردە العاشقى اينالىمنان اسا الماعان بولاتىن. تاعى ءبىر قازاقستاندىق دەنيس ەۆسەەۆ جاپونيالىق تاتسۋما يتودان 4:6، 6:2، 3:6 ەسەبىمەن ۇتىلدى. جەكسەنبى كۇنى ءتورت بىردەي قازاقستاندىق ىرىكتەۋ سايىستارىندا-اق جولدان شىعىپ قالدى. ەرتەڭ قازاقستاندىقتار تيموفەي سكاتوۆ پەن دميتري پوپكو ءوزارا كەزدەسىپ، قاي جەڭگەنى ەكىنشى اينالىمعا شىعادى.

سونداي-اق الەكساندر نەدوۆەسوۆ جارىسقا ىرىكتەۋ سايىستارىنان كەيىن قوسىلعان ۋكراينالىق ۆلاديسلاۆ مانافوۆتىڭ شاماسىن بايقاپ كورەدى. د.ەۆسەەۆ وزبەكستاندىق اتتاسى دەنيس يستومينمەن بىرگە جۇپتىق سىندا وسى دودانىڭ 1-راكەتكالارى، امەريكالىقتار دجەكسون ۋيزروۋ – ناتانيەل لەممونسپەن شەبەرلىك بايقاسادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار