جيىنعا قازاقستان جازۋشىلار وداعى باسقارماسىنىڭ توراعاسى مەرەكە قۇلكەنوۆ توراعالىق ەتتى. كەزدەسۋدە جاڭا كونستيتۋتسيا جوباسىنىڭ تۇجىرىمدامالىق نەگىزدەرى, ونىڭ قوعامدىق جانە رۋحاني ءمانى كەڭىنەن ءسوز بولدى. تالقىلاۋعا جاناربەك ءاشىمجان, ايدوس سارىم جانە انار فازىلجان قاتىسىپ, قۇجاتتىڭ مازمۇنىنا قاتىستى ۇسىنىستارىن ورتاعا سالدى.
الەۋمەتتىك زەرتتەۋ: قازاقستان حالقىنىڭ 85%-ى جاڭا كونستيتۋتسيا جوباسىن قولدادى
باسقوسۋدىڭ نەگىزگى ماقساتى ەل تاعدىرىن ايقىندايتىن ماڭىزدى قۇقىقتىق قۇجاتقا شىعارماشىلىق قاۋىمنىڭ كوزقاراسىن جۇيەلەۋ, سونداي-اق جاڭا كونستيتۋتسيا جوباسىن جالپىۇلتتىق تالقىلاۋعا كەڭىنەن تارتۋ بولدى. وسى تۇرعىدا قالامگەرلەر مەن زيالى قاۋىم وكىلدەرى قوعامداعى وزگەرىستەرگە سەرگەك قاراپ, قۇقىقتىق رەفورمالارعا ءوز ءۇنىن قوسۋدىڭ ماڭىزىن اتاپ ءوتتى.
استانادا جاڭا كونستيتۋتسيا جوباسىن تالقىلاۋعا ارنالعان كەزدەسۋ ءوتتى
تالقىلاۋ بارىسىندا كونستيتۋتسيالىق رەفورمانىڭ باسىم باعىتتارى, جاڭا جوبادا قوعام, مادەنيەت پەن شىعارماشىلىق سالاسىنا قاتىستى قاراستىرىلعان نورمالار, ازاماتتىق ينستيتۋتتاردىڭ ورنى مەن جاۋاپكەرشىلىگى جان-جاقتى تالداندى. قاتىسۋشىلار ازاماتتاردىڭ قۇقىقتارى مەن بوستاندىقتارىن كەڭەيتۋ, ءسوز جانە شىعارماشىلىق ەركىندىگىن ينستيتۋتسيونالدىق دەڭگەيدە كۇشەيتۋ ەلدىڭ ۇزاق مەرزىمدى دامۋى ءۇشىن شەشۋشى فاكتور ەكەنىن ايتتى.
جاڭا كونستيتۋتسياعا مەملەكەت تاراپىنان كەلتىرىلگەن زياندى وتەۋ تۋرالى نورمانى ەنگىزۋ ۇسىنىلدى
سونىمەن قاتار, شىعارماشىلىق قاۋىم وكىلدەرى جاڭا كونستيتۋتسيانى تەك قۇقىقتىق نورمالار جيىنتىعى رەتىندە ەمەس, قوعامدىق سانانى جاڭعىرتاتىن, ادىلەتتىلىك پەن جاۋاپكەرشىلىك قاعيداتتارىن ورنىقتىراتىن رۋحاني تىرەك رەتىندە قابىلداۋ قاجەتتىگىن اتاپ ءوتتى. بۇل ۇستانىم قۇجاتتىڭ ومىرشەڭدىگى مەن قوعامداعى قابىلدانۋ دەڭگەيىن ارتتىرۋعا ىقپال ەتەتىنى ايتىلدى.
