كەڭەيتىلگەن وتىرىستىڭ نەگىزگى ماقساتى – كونستيتۋتسيالىق رەفورمالار جونىندەگى كوميسسيا ۇسىنعان جاڭا كونستيتۋتسيا جوباسىن تالقىلاۋ جانە پارتيانىڭ يدەولوگيالىق باستامالارىن ءوڭىر كولەمىندە كەڭىنەن ءتۇسىندىرۋ بولدى.
«حالىق – بيلىكتىڭ بىردەن-ءبىر باستاۋى. كونستيتۋتسيالىق جاڭعىرۋ – ەل دامۋىنىڭ جاڭا كەزەڭىنە باستايتىن ماڭىزدى قادام», دەدى جيىندى اشقان وڭىرلىك فيليال توراعاسى سادىق مۇستافا.
وتىرىس بارىسىندا «اۋىل» پارتياسى توراعاسىنىڭ ورىنباسارى قۋانىش سەيتجانوۆ جاڭا كونستيتۋتسيا جوباسىنىڭ نەگىزگى باعىتتارىنا توقتالىپ, قوعام اراسىندا جۇرگىزىلىپ جاتقان ءتۇسىندىرۋ جۇمىستارىنىڭ ماڭىزىن باياندادى.
جيىندا پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى, پارتيا ورتالىق اپپاراتى باسشىسىنىڭ ورىنباسارى ايگەرىم سارسەنباەۆا دا كونستيتۋتسيالىق وزگەرىستەردىڭ الەۋمەتتىك ساياسات پەن وتباسى ينستيتۋتىن نىعايتۋداعى رولىنە كەڭىنەن توقتالدى.
جاڭا كونستيتۋتسياداعى وتباسى جانە نەكە نورمالارى ساراپشىلار تالقىسىنا ءتۇستى
كۇن تارتىبىنە سايكەس سادىق مۇستافا «ادال ازامات» تۇجىرىمداماسىنىڭ پارتيالىق يدەولوگياداعى ورنى مەن ونىڭ قوعامدىق سانانى جاڭعىرتۋداعى ماڭىزىن اتاپ ءوتتى.
سىرداريا اۋداندىق فيليال توراعاسى جاناربەك نۇرىمبەتوۆ «تازا قازاقستان» رەسپۋبليكالىق ەكولوگيالىق اكتسياسى اياسىنداعى وڭىرلىك جۇمىستار تۋرالى بايانداسا, شيەلى اۋداندىق فيليال توراعاسى, اۋداندىق ءماسليحات دەپۋتاتى قانات ءجۇسىپوۆ «زاڭ مەن ءتارتىپ» يدەولوگياسىنىڭ قوعامداعى تۇراقتىلىقتى قامتاماسىز ەتۋدەگى رولىنە توقتالدى.
«اۋىل» پارتياسىنىڭ جاستارى كونستيتۋتسيالىق رەفورمانى قولدايدى
كەڭەيتىلگەن وتىرىس بارىسىندا قاتىسۋشىلار ءوزارا پىكىر الماسىپ, ۇسىنىستارىن ورتاعا سالدى. سۇراق-جاۋاپ بولىمىندە كونستيتۋتسيالىق رەفورمالاردى حالىق اراسىندا ءتيىمدى ءتۇسىندىرۋ جولدارى تالقىلاندى.
اتالعان باسقوسۋ پارتياىشىلىك جۇمىس شەڭبەرىن كۇشەيتىپ قانا قويماي, ەل دامۋىنا باعىتتالعان ماڭىزدى ساياسي رەفورمالار بويىنشا ورتاق ۇستانىم قالىپتاستىرۋعا ارنالعان ديالوگ الاڭى بولدى.
كەزدەسۋ قورىتىندىسى بويىنشا قاتىسۋشىلار جاڭا كونستيتۋتسيا جوباسىن قولداپ, ونى قوعام اراسىندا كەڭىنەن ءتۇسىندىرۋ جۇمىستارىن كۇشەيتۋ قاجەت ەكەنىن اتاپ ءوتتى.
استانادا جاڭا كونستيتۋتسيا جوباسىن تالقىلاۋعا ارنالعان كەزدەسۋ ءوتتى
