فوتو: اشىق دەرەككوز
باعا 1 اي ىشىندە قالاي وزگەردى؟
Krisha.kz مونيتورينگى كورسەتكەندەي, قازاقستان بويىنشا ورتا ەسەپپەن پاتەر باعاسى جەلتوقسانمەن سالىستىرعاندا 2%-عا قىمباتتاعان.
قاڭتار ايىنداعى ەڭ جوعارى ءوسىم:
- استانادا: +5,2%;
- كوكشەتاۋدا: +3,2%;
- قاراعاندى مەن وسكەمەندە: +3,0%;
- سەمەيدە: +2,8%.
قالعان قالالاردا باعا ءوسىمى 1-2,6% ارالىعىندا بولدى.
باعانىڭ ازداپ تومەندەۋى تەك ەكى قالادا تىركەلدى:
- الماتىدا: - 0,1%;
- اقتوبەدە: - 0,4%.
ەكىنشى نارىقتاعى شارشى مەتر قۇنى
قاڭتار ايىنىڭ قورىتىندىسى بويىنشا ەل اۋماعىندا ەكىنشى نارىقتاعى تۇرعىن ءۇيدىڭ ورتاشا باعاسى 1 شارشى مەتر ءۇشىن 419 126 تەڭگەنى قۇرادى.
ەڭ قىمبات قالالار:
- الماتى − 804 695 تەڭگە;
- استانا − 601 740 تەڭگە;
- شىمكەنت − 490 000 تەڭگە.
ەڭ ارزان قالالار:
- قىزىلوردا − 269 083 تەڭگە/شارشى م;
- تاراز − 321 653 تەڭگە;
- اقتوبە − 324 013 تەڭگە.
باعا ءبىر جىلدا قالاي وزگەردى؟
2025 جىلعى قاڭتارمەن سالىستىرعاندا قازاقستاندا ەكىنشى نارىقتاعى تۇرعىن ءۇيدىڭ ورتاشا باعاسى 9%-عا ءوستى.
ەڭ جوعارى جىلدىق ءوسىم اقتاۋدا (+22,7%), استانادا (+16,2%) جانە قوستانايدا (+13,5%) تىركەلدى.
شىمكەنت پەن الماتىدا ءبىر جىلداعى باعا ءوسىمى 6-8% ارالىعىندا بولدى.
باعانىڭ تومەندەۋى بىردە-ءبىر قالادا بايقالعان جوق.
پاتەر باعاسىنىڭ وزگەرۋ تاريحىن قالاي كورۋگە بولادى؟
بۇل – قالالار بويىنشا ۇسىنىس باعالارىنىڭ ورتاشا كورسەتكىشتەرىنە جاسالعان شولۋ.
ال ناقتى ءبىر پاتەردىڭ باعاسى قالاي وزگەرگەنىن ءبىلۋ ءۇشىن Krisha Plus ارنايى سەرۆيسىن پايدالانۋعا بولادى.
اتالعان سەرۆيس باعانىڭ وزگەرۋ گرافيگىن جانە پاتەردىڭ قانشا ۋاقىتتان بەرى ساتىلىمدا تۇرعانىن كورسەتەدى. بۇل ساتۋشىنىڭ ساۋدالاسۋعا قانشالىقتى دايىن ەكەنىن باعالاۋعا كومەكتەسەدى.
ەلىمىزدە تۇرعىن ءۇيدى جالعا الۋ باعاسى ءوستى. باسپانا قاي ايماقتا قىمباتقا تۇسەدى؟
