قوعام • 02 ناۋرىز، 2021

الماتىلىق ۆولونتەرلەر 1500-دەن استام دارىگەر مەن ءورت ءسوندىرۋشىنى العىس ايتۋ كۇنىمەن قۇتتىقتادى

10 رەت كورسەتىلدى

بيىلعى جىلدىڭ 1 ناۋرىزىندا الماتى قالاسىنىڭ جاستارى مەن جاستار ۇيىمدارى ەلىمىزدەگى العىس ايتۋ كۇنىنە وراي «قىزمەتىڭىز ءۇشىن راقمەت!» اتتى جالپىقالالىق اكتسياسىن وتكىزدى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى
ن.ءا. نازارباەۆ اتاپ وتكەندەي: «العىس ايتۋ كۇنى قازاقستان حالقىنىڭ بىرلىگىن پاش ەتەدى، مەيىرىمدىلىكتىڭ، ءوزارا كومەك پەن جاقسىلىقتىڭ جارشىسى بولىپ سانالادى. كوكتەمنىڭ العاشقى كۇنىندە – تىرشىلىك اتاۋلى جاندانىپ، جەر-دۇنيە جاڭاراتىن كەزەڭدە اتالىپ ءوتۋى بۇل مەرەكەگە ەرەكشە ءسان بەرەدى».

اتالمىش اكتسيا اياسىندا دارىگەرلەرگە، قۇقىق قورعاۋ ورگاندارى مەن ءورت كۇزەتىنىڭ قىزمەتكەرلەرىنە، سونداي-اق كوممۋنالدىق قىزمەت جۇمىسشىلارىنا قۇتتىقتاۋ جازباسى بار 1500-دەن استام برەندتەلگەن شوكولاد تاراتىلدى.
ءىس-شارا 1570 ادامدى قامتىدى (№7 قالالىق اۋرۋحانا، ورتالىق قالالىق كلينيكالىق اۋرۋحانا، №30 قالالىق ەمحانا، №4 قالالىق كلينيكالىق اۋرۋحانا، №1 قالالىق ەمحانا، قالالىق كلينيكالىق ينفەكتسيالىق بالالار اۋرۋحاناسى، №2 بالالار كلينيكالىق اۋرۋحاناسى، №8 ءورت ءسوندىرۋ ءبولىمى، الماتى قالاسى پد، جەتىسۋ اۋداندىق ءىىب جەرگىلىكتى پوليتسيا قىزمەتى، كوممۋنالدىق قىزمەت قىزمەتكەرلەرى).

ءىس-شارانىڭ ماقساتى – قوعام يگىلىگى ءۇشىن ەڭبەك ەتەتىن قىزمەتكەرلەرگە العىس ءبىلدىرۋ، وسكەلەڭ ۇرپاقتىڭ بويىندا تولەرانتتىلىق سەزىمىن، اعا بۋىندى قۇرمەتتەۋ جانە ءبىر-بىرىنە دوستىق قارىم-قاتىناس سەزىمىن تاربيەلەۋ.

«بۇگىن العىس ايتۋ كۇنى. ءبىز، قالا ۆولونتەرلەرى، پاندەميا جاعدايىندا ادامداردىڭ ءومىرىن، دەنساۋلىعىن ساقتاي وتىرىپ، كۇن سايىن ۇلكەن ەڭبەك اتقاراتىن ادامدارعا جاعىمدى اسەر قالدىرعىمىز كەلدى»، - دەدى جاستار رەسۋرستىق ورتالىعىنىڭ ۆولونتەرى جانار ارناەۆا.

انىقتاما رەتىندە: بۇل كۇن 2016 جىلدىڭ 1 ناۋرىزىنان باستاپ العىس ايتۋ كۇنى رەتىندە رەسمي تۇردە مەرەكەلەنەدى. 2016 جىلعى 14 قاڭتاردا قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆ قازاقستان حالقى اسسامبلەياسىنىڭ قۇرىلعان كۇنى ەلىمىزدە 1 ناۋرىزدى «العىس ايتۋ كۇنى» دەپ جاريالاپ، № 173 جارلىققا قول قويدى.

سونىمەن قاتار، پاندەميا كەزىندە ۆولونتەرلەر قالا تۇرعىندارىن قولداۋعا جانە جان-جاقتى كومەك كورسەتۋگە باعىتتالعان كوپتەگەن ءتۇرلى فورماتتاعى ءىس-شارالار وتكىزەتىنىن اتاپ وتكەن ءجون.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار