اۋا رايى • 01 ناۋرىز، 2021

كوكتەم كەشىكپەي جەتەدى: ناۋرىز ايىنا ارنالعان اۋا رايى بولجامى

49 رەت كورسەتىلدى

ەلىمىزدىڭ كوپتەگەن ايماعىندا كوكتەم بەلگىلەنگەن مەرزىمىندە كەلىپ جەتەدى، دەپ حابارلايدى Egemen.kz

قازگيدرومەت بولجامىنا سايكەس، 2021 جىلعى ناۋرىزدا قازاقستان رەسپۋبليكاسىنىڭ باسىم بولىگىندە تسيكلونداردىڭ وتۋىمەن جانە يران اۋداندارىنان جىلى اۋا ماسسالارىنىڭ جىلجۋمەن اۋا تەمپەراتۋراسىنىڭ جوعارى فونى كۇتىلەدى، رەسپۋبليكانىڭ باسىم بولىگىندە اۋانىڭ ورتاشا ايلىق تەمپەراتۋراسى نورمادان 1° جوعارى، رەسپۋبليكانىڭ سولتۇستىك-باتىس بولىگىندە عانا نورما شاماسىندا بولجانادى.

ءبىر اي بويى تسيكلوندار مەن انتيتسيكلونداردىڭ ءجيى اۋىسۋىنا بايلانىستى اۋا تەمپەراتۋراسىنىڭ كۇرت وزگەرۋى بولجانادى. تەمپەراتۋرا كونتراستى 10° جانە ودان دا كوپ بولۋى مۇمكىن.

ايدىڭ باسىندا: بەلسەندى تسيكلونداردىڭ اسەرىنەن رەسپۋبليكا بويىنشا اۋا رايىنىڭ تۇراقسىز سيپاتى بولجانادى: جاۋىن-شاشىن، ەلدىڭ وڭتۇستىك-شىعىس بولىگىندە قار ارالاس جاڭبىر قاتتى جاۋى مۇمكىن، جەل كۇشەيەدى (سولتۇستىك جارتىسىندا بۇرقاسىنمەن)، تۇمان جانە كوكتايعاق قۇبىلىستارى كۇتىلەدى. ەلدىڭ وڭتۇستىك جارتىسىندا جاۋىن-شاشىن كوبىنەسە جاڭبىر تۇرىندە، سولتۇستىك جارتىسىندا ارالاس جاۋىن-شاشىن (جاڭبىر، قار) تۇرىندە بولجانادى.

ءبىرىنشى ونكۇندىك بويى: قازاقستان اۋماعى بويىنشا اۋا تەمپەراتۋراسىنىڭ اۋىتقۋى بولجانادى: سولتۇستىك جارتىسىندا كۇندىز ءالسىز وڭ تاڭبالىدان تەرىس تاڭبالى ماندەرگە دەيىن، وڭتۇستىك جارتىسىندا +10+15°س-تان 0،+7°س-قا دەيىن، ەلدىڭ باتىسى مەن سولتۇستىك-باتىسىندا -3-10°س-تان -1+6°س-قا دەيىن.

ءبىرىنشى جانە ەكىنشى ونكۇندىكتىڭ جەكەلەگەن كۇندەرى: سكانديناۆيا مەن ءسىبىر اۋداندارىنان سۋىق اۋا ماسسالارىنىڭ اسەرىنەن تۇنگى ساعاتتاردا تەرمومەتر باعانالارى ەلىمىزدىڭ سولتۇستىك جارتىسىندا -13-25°س دەيىن، وڭتۇستىك جارتىسىندا -5-15°س دەيىن تومەندەۋى كۇتىلەدى.

ايدىڭ ەكىنشى جارتىسىندا: قر-نىڭ سولتۇستىك، ورتالىق جانە شىعىس وڭىرلەرىندە جىلۋ تولقىندارىنىڭ اسەرىنەن كۇندىزگى اۋا تەمپەراتۋراسى جەكەلەگەن كۇندەرى +3+10°س دەيىن; ەلدىڭ وڭتۇستىگى مەن باتىسىندا +10+15°س دەيىن، ءۇشىنشى ونكۇندىكتە +15+25°س دەيىن جوعارىلايدى. جاۋىن-شاشىن مولشەرى نورمادان كوپ، تەك ەلدىڭ وڭتۇستىك-شىعىسىندا جانە وڭتۇستىك-باتىسىندا نورما شاماسىندا (قر باسىم بولىگىندە نورما: 10-25 مم، وڭتۇستىك پەن وڭتۇستىك-شىعىستىڭ تاۋلى اۋداندارىندا 55-103 مم دەيىن، شىعىستا 8-30 مم) بولجانادى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار