پارلامەنت • 01 ناۋرىز، 2021

نۇرلان نىعماتۋلين: العىس ايتۋ كۇنى - جاس ۇرپاقتى مەيىرىمدىلىككە تاربيەلەيتىن ەرەكشە مەرەكە

15 رەت كورسەتىلدى

پارلامەنت ءماجىلىسىنىڭ توراعاسى نۇرلان نىعماتۋلين قازاقستاندىقتاردى العىس ايتۋ كۇنىمەن قۇتتىقتادى، دەپ حابارلايدى Egemen.kz.

«العىس ايتۋ مەيرامى 2016 جىلى ەلباسى، تۇڭعىش پرەزيدەنتىمىز نۇرسۇلتان ءابىش ۇلى نازارباەۆتىڭ باستاماسىمەن بەلگىلەنىپ، سودان بەرى بارشا قازاقستاندىقتاردىڭ ءبىر-بىرىنە دەگەن قۇرمەتىن كورسەتىپ، ريزاشىلىعىن بىلدىرەتىن، بىرلىك-بەرەكەگە شاقىراتىن مەملەكەتىمىزدەگى ەڭ جارقىن مەرەكەلەردىڭ بىرىنە اينالدى. سونداي-اق ۇلتتار اراسىنداعى باۋىرلاستىقتى ودان ءارى تەرەڭدەتىپ، جاس ۇرپاقتى مەيىرىمدىلىككە، وتانسۇيگىشتىككە تاربيەلەيتىن ەرەكشە مەرەكە.

تۇراقتىلىق پەن جالپىۇلتتىق قۇندىلىقتاردى ساقتاۋ جانە ودان ءارى نىعايتۋ مەملەكەت باسشىسى قاسىم-جومارت توقاەۆتىڭ ەلدى دامىتۋ جولىنداعى نەگىزگى باعىتىنىڭ ءبىرى»، دەلىنگەن قۇتتىقتاۋدا.

سونداي-اق ول قازاقستان حالقى اسسامبلەياسىنىڭ رولىنە، ونىڭ ىشىندە، ماجىلىستەگى اسسامبلەيادان سايلانعان دەپۋتاتتاردىڭ ەلىمىزدى دامىتۋدا ەسەلى ەڭبەك ەتىپ كەلە جاتقانىنا نازار اۋداردى.

ءماجىلىس سپيكەرى تاۋەلسىز قازاقستانىمىزدىڭ تىرەگى سانالاتىن بارشا حالقىمىزعا ءوز العىسىن ءبىلدىرىپ، ءاربىر وتباسىنا، ءاربىر ازاماتقا دەنساۋلىق، ۇزاق عۇمىر، بەيبىت ءومىر تىلەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار