سەرتيفيكاتىمىز سىرتتا مويىندالاتىن بولادى

استانادا مەملەكەتتىك مەترولوگيالىق مەكەمەلەردىڭ ەۋرازيالىق ىنتىماقتاستىق كوميتەتىنىڭ 20 ءماجىلىسى بولىپ ءوتتى. جىل سايىن ءار ەلدە وتەتىن ماڭىزدى باسقوسۋ بيىل ەلىمىز ەلورداسىندا ءوتىپ وتىر. كوومەت – ايماقتىق مەترولو­گيا­لىق ۇيىمى 1991 جىلى ەۋرازيا­لىق ايماقتىق ەلدەردە ولشەم ءبىر­لى­گىن قام­تاماسىز ەتۋ ماسەلەلەرىن ءتيىم­دى شە­شۋ­گە, ۇلتتىق ەكونوميكا ىن­تىماقتاس­تى­عىن دامىتۋعا جانە حا­لىقارالىق ساۋ­دادا تەحنيكالىق توس­قاۋىلداردى جويۋ­عا جاردەمدەسۋ ماقساتىندا قۇرىلعان بولاتىن. وعان 18 ەل, اتاپ ايتساق, ار­مە­نيا, ءازىر­باي­جان, بەلارۋس, بول­گا­ريا, گەر­ما­نيا, گرۋزيا, قازاقستان, قىر­عىز­ستان, كحدر, كۋبا, ليتۆا, مول­دوۆا, رەسەي, رۋمىنيا, سلوۆاكيا, تاجىك­ستان, وزبەكستان جانە ۋكراينا مۇشە. بۇل جولعى وتىرىسقا اقش, كۋبا, فرانتسيا, گەرمانيا سە­كىلدى ەلدەر قاتىسا المادى. وعان يس­لان­ديادا ويانعان جانارتاۋ سەبەپشى بولىپ وتىر. ال ەلىمىز كوومەت كو­مي­­تەتى قۇرامىنا 1998 جىلعى قارا­شا­دان باستاپ مۇشە. كوميتەتتىڭ باس­تى قىز­مەتتەرى ەتالونداردىڭ ءوزارا ءساي­كەس­تىگىنە جەتۋگە, ولشەۋىش اسپاپ­تارعا جانە ولاردى مەترولوگيالىق باقىلاۋ ادىستەرىنە قويىلاتىن تا­لاپ­تاردىڭ ۇي­عا­رىمدىلىعىنا, ۇلت­تىق ولشەۋ سەرتي­في­كاتتارىنىڭ با­لا­مالىلىعىن تانۋ­عا, مەترولوگيا­لىق قىزمەتتىڭ جاي-كۇيى تۋرالى اق­پا­رات الماسۋعا, ءوزارا مە­ترو­لو­گيا­لىق قىزمەت كورسەتۋگە جاردەم­دە­سۋگە باعىتتالعان.  “كازينمەتر” رمك باس ديرەكتورى ۆاسيلي ميحال­چەن­كو­نىڭ ايتۋىنشا, ەلىمىزدىڭ مە­ترو­لو­گيا جانە ستاندارتتاۋدىڭ حالىق­ارا­لىق ۇيىمدارىنا مۇشەلىككە ەنۋى ءۇل­كەن مارتەبە. ويتكەنى, كەدەندىك وداق­­تىڭ قۇرىلۋى, ودان ءارى بىرىڭعاي ەكو­نو­ميكالىق كەڭىستىككە وتۋگە وراي, وتاندىق ونىمدەردىڭ ساپاسى مەن ءبا­سە­كەگە قابىلەتتىلىگى, ولاردىڭ شەتەلدەردە مويىندالۋى ءبىز ءۇشىن ماڭىزدى. سون­دىقتان بۇگىنگى كەزەكتى وتىرىس ەلىمىز ولشەۋ قۇرالدارىنىڭ مۇمكىندىگىن حا­لىقارالىق دەڭگەيگە جەتكىزۋگە جاسال­عان تاعى ءبىر قادام, دەدى ول. ءبىزدىڭ ءول­شەۋ مۇمكىندىكتەرى­مىز ەندى الەم بوي­ىن­شا مويىن­دالاتىن بولادى. ۆ.مي­حالچەنكونىڭ ايتۋىنشا, قازاقستان ولشەم مەن كولەمنىڭ حالىقارالىق ۇيىمىنا 52-ءشى مۇشە بولىپ ەنىپ وتىر. الەمدىك رىنوكقا شىعاتىن ءونىمنىڭ ساپاسىن انىقتايتىن مۇنداي قۇرىلىمدارعا قاتىسۋ ولاردىڭ جو­لىن­داعى كەزەكتى كەدەرگىلەردى جويۋعا ءمۇم­كىندىك بەرەدى. سونداي-اق قازاق­ستان ساپا سەرتيفي­كات­تارىنىڭ شەتەل­دەردە دە مويىن­دا­لاتىن كۇنى الىس ەمەس كورىنەدى. ويتكەنى, سالا بويىنشا قازاقستاندا عىلىمي مامانداردىڭ نەگىزگى بازاسى قالىپتاسقان. كوومەت جۇمىسىنا قاتىسقان ەلدەر وزدەرىنىڭ كاليبرلەۋ جانە ولشەۋ مۇمكىندىكتەرىن حالىقارالىق دەڭگەيدە دالەلدەۋ مۇمكىندىگىن الۋدا. ال بۇل كەز كەلگەن قىزمەت سالاسىندا ءول­شەۋ ءنا­تي­جەلەرىنە ءوزارا سەنىم قا­لىپ­تاس­تى­رۋعا جانە حالىقارالىق ساۋ­دا, عىلى­مي-تەحنيكالىق ىنتىماق­تاس­تىق پەن نورماتيۆتىك قۇجاتتامالاردى ازىرلەۋگە قاتىستى وتە ۇلكەن ۋاعدا­لاس­تىقتار ءۇشىن تەحنيكالىق بازانى قۇ­رۋعا اسەر ەتەدى. ۆەنەرا تۇگەلباي.