قازاقستان رەسپۋبليكاسىنىڭ كوپتەگەن مەكەمەلەرىندەگىدەي, اقمولا وبلىسى بويىنشا قاجد ەتس-166/25-تە كارانتينگە بايلانىستى تۋىستارىمەن ۇزاق جانە قىسقا مەرزىمدى كەزدەسۋلەرگە تىيىم سالىنادى.
«بۇگىنگى كۇنگە دەيىن سوتتالعاندارعا قر قاك 109-بابىنا سايكەس ۇزاقتىعى 15 مينۋتتان اسپايتىن تاكسوفون بويىنشا بەينەقوڭىراۋلار مەن قوڭىراۋلار قولجەتىمدى بولدى. ەندى سوتتالعانداردىڭ جاقىندارىمەن بەينەقوڭىراۋ ارقىلى ەكى ساعات سويلەسۋگە مۇمكىندىگى بار», دەپ اتاپ ءوتتى اقمولا قاجد ءباسپاسوز حاتشىسى يرينا گورنوۆا.
پروتسەدۋرانىڭ قولجەتىمدى بولۋى ءۇشىن سوتتالۋشى قىسقا كەزدەسۋدى 2 ساعاتتىق بەينەقوڭىراۋعا اۋىستىرۋ تۋرالى ءوتىنىش جازۋى كەرەك.
«ارينە, بۇل شىنايى كەزدەسۋدى الماستىرا امايدى, بىراق تۋىستارىمىز بۇل كۆي-ءدىڭ الدىن الۋعا جانە تارالۋىنا جول بەرمەۋگە بايلانىستى شەكتەۋ شارالارى ەكەنىن تۇسىنەدى. ال بەينەقوڭىراۋ ارقىلى سويلەسۋ بىزگە كەم دەگەندە ءبىراز ۋاقىت وتباسىمىزدىڭ ورتاسىندا بولۋعا مۇمكىندىك بەرەدى», دەپ قوستى سوتتالعان ەرلان.
